影片
更多
2016-05-17
2498 浏览
上星期三超高兴, 仁生第4次走到西环. 当晚因为「万家超市」而过去. 一间充满爱, 充满人情味的小店. 由恩爱的波哥波嫂二人合力经营.波嫂Wendy:「我哋用鹿儿岛鸡蛋, 真系好鲜又重蛋味」. 超班食料, 但价钱街坊.饭竟然用上「越光米」, 这款新潟县的米超浓米香,黏性吸引, 一打开饭煲已经有强烈流口水感觉.「腊味炒饭」, 及「芝士肠火腿鹿儿岛蛋饭」,都是Wendy爱食的东西, 波哥为太太特别加入Menu.(爱妻之选㖞!!好冧呀!!) 波哥:「佢钟意食, 而D客食完又钟意先最重要」(唔驶兜啦!! 总之满泻爱啦)一定要试波哥的招牌鳗鱼饭 ($88), 因为日卖80碗. 今日20:30已经售罄, 我们是尾二的一碗 ~好彩刚刚行快两步.超长鳗鱼, 足足有一部半Note5长度, 劲抵食. 这里的鳗鱼算肥美, 入口即溶, 嫩香鲜甜没有刺.波哥:「话晒日本鳗, 我哋唔会用台湾货, 一食就知分别㗎」(你落D咩系饭面呀?) 波哥:「鲣鱼碎, 日本好普遍, D饭会更香」万家前身是超市, 因为去年业主加租3倍, 所以两夫妇决定搬到现址, 波哥:「我不嬲好钟意煮嘢, 旧舖太细, 只可以同客人口头分享, E家
上星期三超高兴, 仁生第4次走到西环. 当晚因为「万家超市」而过去. 一间充满爱, 充满人情味的小店. 由恩爱的波哥波嫂二人合力经营.
波嫂Wendy:「我哋用鹿儿岛鸡蛋, 真系好鲜又重蛋味」. 超班食料, 但价钱街坊.饭竟然用上「越光米」, 这款新潟县的米超浓米香,
黏性吸引, 一打开饭煲已经有强烈流口水感觉.
「腊味炒饭」, 及「芝士肠火腿鹿儿岛蛋饭」,都是Wendy爱食的东西, 波哥为太太特别加入Menu.
(爱妻之选㖞!!好冧呀!!) 波哥:「佢钟意食, 而D客食完又钟意先最重要」(唔驶兜啦!! 总之满泻爱啦)
一定要试波哥的招牌鳗鱼饭 ($88), 因为日卖80碗. 今日20:30已经售罄, 我们是尾二的一碗 ~好彩刚刚行快两步.
超长鳗鱼, 足足有一部半Note5长度, 劲抵食. 这里的鳗鱼算肥美, 入口即溶, 嫩香鲜甜没有刺.
波哥:「话晒日本鳗, 我哋唔会用台湾货, 一食就知分别㗎」
(你落D咩系饭面呀?) 波哥:「鲣鱼碎, 日本好普遍, D饭会更香」
万家前身是超市, 因为去年业主加租3倍, 所以两夫妇决定搬到现址, 波哥:「我不嬲好钟意煮嘢, 旧舖太细, 只可以同客人口头分享, E家大咗, 索性分一半出嚟做食肆」
(点解你哋开到咁夜?) 波哥一边炒饭一边答:「因为好多熟客出面做食肆, 佢哋返到西环, 太夜无嘢食, 大家张就下啰」
波哥续说:「有时D学生倾吓计, 饮吓酒, 又叫埋我, 试过有客人庆祝生日食到4点, 大家开心, 无所谓啦...哈哈哈!!」
店内有唯一一款非日本料理, 亦是波哥根据妈妈的味道泡制的清远走地鸡($50).
(明明你卖日本料理, 点解特别有款清远走地鸡?) 好客的波哥:「因为一向我哋卖冻肉, 原只清远鸡最受街坊欢迎呀!」
波哥续说:「 既然咁多人买, 我哋谂, 不如学我妈妈造法, 攞嚟做咸鸡饭,点知街坊又钟意食, 香港人好钟意食鸡饭㗎」
波哥的鸡饭预先调味, 所以肉嫩又够味, 不过贪心的我, 将整碗鸡汁倒了入饭, 感觉咸味太重, 如果放一半, 或者直接点鸡食, 一流一享受.
(你点识煮日本嘢呢?) 波哥:「19岁我去咗日本民宿住咗3年, 帮D姨姨手煮饭, 𠮶时佢哋教我嘅, 不过, 我都系边学边煮, 有时系D客教返我添」
这里有小食「美国黑毛牛芯肉 ($48)」, 肉汁多, 又香...
波哥:「美国牛实肉D, 无咁肥, 味道出D啰」(真系好食, 不过得4旧, 唔够喉)
从前万家卖冻肉, 不过7年前一次意外, 波哥切肉切断了无名指, 用了一年时间去治疗.
波嫂从此不准波哥切肉, 于是便开始兼卖日本食品,这就是万家超市皱形.
Wendy:「最初我哋乜都唔识, 要偷偷去SOGO抄代理联络, 日本人唔熟又唔理你, 结果头一段时间, 只系卖乌冬」
现在, 几乎大部份日本食品也可以买得到, 价钱非常街坊. 而且还可几试饮, 试食. 今日有小朋友就得到波嫂送他两粒士多啤梨雪糕.
(咁试法...会唔会蚀本?) Wendy:「大家试吓先知好唔好麻, 唔好食点买, 试食食得几多吖」对最爱贪小便宜的仁来说,实在窝心.
山长水远走来, 一定要为「梅酒控」阿太带手信回家,我:「你哋都有梅酒卖㖞...阿太饮开Choya,
有旧梅系里头, 点解你哋卖𠮶D无嘅?」
Wendy:「咋货先有梅㗎, 靓嘢系唔会有梅嘅, 如果你老婆酒量好, 买威士忌啦, 保证唔系杂梅造, 保身好好㗎!」
阿太如获至宝, 而我同样被波哥的老火汤迷倒,波哥:「我请你饮吖, 不过, 我哋连盐都唔落, 可能你唔钟意, 我自己都晚晚饮㗎」我的味精舌头全无投诉, 就知波哥靓汤~超正啦!!
万家厨房地址：西环卑路乍街124号联基新楼地铺
张贴
