萬家廚房 (已搬遷) 新店位置

如果你太多錢想搵地方洗下錢。絕對適合你。一、首先叫咗鰻魚飯。老闆娘話冇晒細鰻魚所以要加大鰻魚首先加你38大元。原來睇返之前已經有食客遇到同樣情況。二、叫過什麼沖繩腸。老闆娘話賣晒問你食唔食阿古豬。我哋話試吓啦。最後嚟咗一碟有七至八舊肥豬膏嘅物體。☠️肥豬糕。最後埋單嘅時候老闆娘好用心咁同你解釋每一碟餸嘅價錢。肥豬膏價值＄295。不特止， 仲話要加＄25加工費。 我以為我去咗鯉魚門食海鮮。海鮮收返海鮮價，烹調費就另計。正！最後肥豬糕加埋一多謝＄350都唔得。三、雞肉飯咸到你唔會想食。四、日式炒烏冬。 老闆娘話係新菜式可以試。最後只係一碟炒烏冬。新菜式價值＄148再加一。五、我哋點秋刀魚，老闆娘話得返青魚。 好彩冇叫。上面原來已經有即刻中咗計＄400.一條青魚。六、最後老板娘請我哋飲湯。我哋以為佢好有人情味。 埋單時明晒最後四個人食飯。記住係一餐難食嘅飯。價值＄1340。我返屋企食杯面好過阿古豬肉:很肥雞肉飯:非常鹹日式炒烏冬:很普通的一個炒烏冬，但價錢十分貴大家自己小心啦。☠️

港版深夜食堂，賣嘅係時令食材新鮮，仲有獨家自創菜色，招牌曼魚飯，獨家生蠔焗飯必食，呢個我最愛嘅菜式，用原隻珍寶蠔加上日本米飯，再鋪上自家制Motoyaki, 焗到表面金黃，內裡米飯軟熟，生蠔鮮味，三樣野加埋十分配合👍👍，佢地每樣食品都會配上日本新鮮蔬菜做配菜，價錢唔平，但物有所值👍👍👍！

第一次特登寫評價, 因為尋晚餐飯實在背脊骨落到爆. 浪費時間都要比個負評.阿妹食過呢間餐廳好多次覺得唔錯, 所以尋晚同佢一齊去堂食. 佢先到, 我差唔多到時CALL 佢, 佢話佢想食嘅鯖魚套餐無晒, 店員推薦佢大條嘅鯖魚,售價398, 可以兩人一齊食就夠, 我覺得唔值,  所以話唔要. 點知去到我同阿妹開始正式點餐, 個男職員話我地已經點左條大鯖魚 , 而開放式廚房嘅女廚師亦話已經整緊啦. 我地都O 嘴, 我望住阿妹問佢係咪點左？佢話無, 話打電話問下先架WO.  但係阿妹個人勁心軟, 見佢地整左就唯有接受啦, 仲安慰我話個鯖魚汁好好味. 反正未試過咪算囉. 然後, 我地由8點開始等, 等到9點鐘, 足足等左一個鐘, 腰骨都赤埋, 因為坐得好唔舒服. 終於等到條魚上台, 個職員竟然話無晒鯖魚汁, 問我地要唔要鰻魚汁, 心諗我要鰻魚汁我不如食鰻魚飯啦. 好彩個職員都醒水返, 去廚房即時整個汁, 原來只係蒜頭辣椒檸檬汁加我估係羅勒葉魚露之類調嘅汁.... 係o岩我口味嘅, 但唔特別. 之後我又發現, $148嘅鯖魚餐包飯, $398呢個價只係一條魚,而事後聽阿妹講呢條魚最多只係大平時嘅一半

這間店子日間是一間日本食品店，售賣特色日本食材。晚上店主阿波採用店子裏的食材，為顧客烹調日式料理。因為當天他太太不在，一人分演數角，廚師，侍應，收銀，清潔，超人上身，但仍可應付得到！慢工出細貨，每款菜式，大概要等十五至三十分鐘。店子營業至凌晨，全部座位是高椅設計，三五知己吹水的好地方，不太適合三歲以下小孩。店主見我家肥豆等得太久，主動給他們日本綠茶糖，非常窩心。餐單要whatsapp 店主阿波索取，以下餐單只作參考：我們點了最出名的鰻魚飯。果然名不虛傅，上菜時不禁嘩嘩大叫！未見過鰻魚飯塊鰻魚大到遮住Ｄ飯，鰻魚差不多有半張Bar枱咁長！味道方面，鰻魚好入味，飯是採用日本直送的珍珠米。不過，小朋友食要小心Ｄ，因為有小骨。整體上，是值得推介。接著是極級黑毛豬腩飯。外表不是極級吸引，但黑毛豬腩入口有升仙感覺！脂肪分佈均勻，咬落肉汁即時浸入口腔，甘香四溢。 店主烹調時加了少許日本酒，配以少許甜甜的燒汁洋蔥，更能帶出甘甜效果。日本直送豬頸肉是店主推介，厚切令肉汁鎖著，感覺好像吃多汁大件叉燒。美國黑毛牛芯肉飯，看似牛柳粒，吃起來口感像牛心，煮法像之前的黑毛豬腩飯。元貝蟶子鱈場蟹拉麵雖然其貌不揚，但湯

我地一行三個人，放工專程嚟食傳說中好好味好滑既走地雞拉麵（其實都幾fusion，因為雞係清遠雞）。說實話，西環真係好難再搵到可以安安靜靜既餐廳食飯了，自從地鐵開通之後，連鎖餐廳同高級西式餐廳如雨後春筍般開得遍地都是，稍微有點本土情懷既餐廳開始變得少之又少，所以我特別珍惜好似「萬家廚房」呢種人少少既餐廳。總體而言，性價比都係不俗的。一個飯/拉麵平既100都唔使，貴小小都有100幾既選擇，豐儉由人，但用料都係有一定水準。一餐飯3個人，食左500幾，人均先100幾，但除左食飽肚之外，仲額外收穫多一份spiritual comfort。有時候人係矛盾既，安靜又怕無生意，太旺又嫌太嘈雜，希望萬家廚房可以長做長有，等我放工有一片淨土哈哈！

嚟過萬家幾次，今次終於的起心肝寫食評！對於有心好味小店，本小姐絕對支持！！👍🏽👍🏽呢度鰻魚飯超人氣，從日本空運到港嘅超大條同厚肉，味道就由老闆娘親自調配，熱辣辣又好香👍🏽👍🏽👍🏽👍🏽今次再試埋蠔麵，日本珍珠蠔的確鮮味，麵就不過不失啦！👍🏽👍🏽👍🏽最難得係呢樹開好晏，老闆娘又好好傾，好有住家隱世feel，正！

萬家：地理位置唔算易搵😎😎😂入到餐廳，以為自己去錯地方：眼見得幾張台，唔見班fd, 一問芝下，原來仲有內店😂內店似便利店哈哈！同班fd邊傾邊食，氣氛好正，餐廳周圍既佈置係日本各地特產，店內都有買日本飲品。主菜終於到：明太子卷，特大鰻魚飯，羊架，蠔飯。四個人四個菜。其實5多夠食，每個菜細細件😂其中鰻魚飯條鰻魚都幾“惹味“，同日本地道差唔多。羊架配芥末醬一絕😋😋不過真係份量太細，一分錢一分貨。蠔飯一人份量，分四份，芝士焗蠔係我至愛，唔多唔少都有bias 😂😂😂但味道係濃郁，蠔都好鮮甜。有機會再去，試下其他食物。

我很愛看日劇「深夜食堂」，近日終在香港找到一間差不多感覺，可輕鬆吃東西並有日本住家風味的店子。我所講的是堅尼地城的「萬家廚房」。它是一間日本食物及飲品雜貨店，但晚上會闢了一角落做食物。是日老闆娘推介的象拔蚌炒有機菜不太特別，但招牌菜鰻魚飯就真係出色，大大條的鰻魚看外表已先聲奪人，肉的質素雖非第一流，但難得店主弄得彈牙有咬口，個鰻魚汁又超級下飯，爽！配埋支比想像好飲的日本手工啤，以及老闆娘請試飲的清酒，總體來說吃得令人滿意。

見到朋友fb 咁肥美嘅鰻魚，我二話不說就去咗堅尼地城嘅萬家廚房，地鐵通車之後方便好多！呢間餐廳係名乎其實嘅小店，由老闆兩公婆打理。店嘅前方係Open Kitchen 同3張枱，後方就有好多日本野食，酒或者鮮肉賣。不過我唔太喜歡open kitchen，食完餐飯成陣味。叫咗廣島蠔拉麵同鰻魚飯，仲有即揀即秤即煮嘅阿古豬。廣島蠔拉麵好有蠔味，拉麵彈牙。我最鍾意係個湯底，係少嘗嘅味道仲無味精架，可以飲多幾啖。鰻魚飯就不得了！未知老闆係咪知我係特登為鰻魚而來 (我入去之前就問仲有無鰻魚，因為openrice 有食評話8點幾就賣晒)，即使我無加大，佢都比左條勁大條嘅我。比較起朋友同openrice 嘅相，我呢條真係有啲誇張。可惜同行者對鰻魚無咩興趣，我唯有獨食。鰻魚燒汁正，超肥美，好鍾意佢少少油膩感，但獨食「堅」肥，我係有少少吃不消，哈哈。最後就係由老闆娘出手嘅阿古豬。老闆娘調較鹽同黑椒剛剛好，豬味無被蓋過。肉質有啲韌，但呢個就係正常嘅豬肉口感啊。老闆娘叫我要連菜食，我覺得有菜就有少少遮住豬味，無菜啲味就focus 啲，各有各。好喜歡黎呢種小店，成日都會有驚喜～

我是堅城街坊。看到這店食評不錯，已幾次想去光顧，支持一下本土小店。但已三四次在他的開放時間去到，店主不是在全店整理貨物，東西放滿一地。或者自己決定放假，令我摸門釘。我想支持街坊小店，但已失望了數次。店主打開門做生意，也應有做生意的基本要求吧？

Located at the inner opening area of some cramped residential buildings, it is not easy to figure out this little Japanese restaurant. Tiny seating area inside with 3-4 small tables, environment is cozy though not spacious. The restaurant operation is one-man band, cooks, serves and clean-up, etc. all by himself, one can expect to give more patience for the orders to come.My order was a Japanese-style grilled eel with rice, a signature dish of this restaurant. The ingredients were well-sourced,

之前見到某雜誌報導各區鰻魚飯的評分，有一間分數都幾高，我呢個街坊咁近，無理由唔去幫襯下，支持小店啦 ！呢間小店不起眼，當初我經過以爲是一間買日本雜貨的商店。透過雜誌的報道，先知道原來前舖居酒屋，後舖是超市 ！入到去有高枱三張，地方不算寬躺，但很有家庭式的感覺 。當然來到就係要朝聖佢個鰻魚飯啦，但當日老闆話正常長度的鰻魚未入到貨，所以要加＄20有條特大的，男友就點左日本廣島蠔拉麵 ！鰻魚真係好大條，但對我來講，味道係好的、夠多汁、飯香。可惜...鰻魚不是那種很柔軟的口感 ！男友的拉麵，我試左兩口 ！湯有蠔的鮮味，拉麵質地彈牙 ！食食下，老闆問我地食唔食菜：食呀食呀。又多點左一樣焗椰菜薯仔絲，呢個好似是老闆新創作不在menu 的🤔 。食得出有芝士同沙律醬，都幾好味。不過好飽食唔曬，食咗少少就打包返屋企，老闆好細心咁幫我用錫紙包好，返屋企放入焗爐焗返熱就食得！☺️總結黎講呢，鰻魚飯冇我想像中咁好食，但係我都食晒成碗嘅。以居酒屋來而言就不算出眾，但在這間小店來講，就找到屋企飯的感覺。btw 下次再去就要試佢個走地雞拉麵，同萬家招牌日式臘味炒飯

上星期三超高興, 仁生第4次走到西環. 當晚因為「萬家超市」而過去. 一間充滿愛, 充滿人情味的小店. 由恩愛的波哥波嫂二人合力經營.波嫂Wendy:「我哋用鹿兒島雞蛋, 真係好鮮又重蛋味」. 超班食料, 但價錢街坊.飯竟然用上「越光米」, 這款新潟縣的米超濃米香,黏性吸引, 一打開飯煲已經有強烈流口水感覺.「臘味炒飯」, 及「芝士腸火腿鹿兒島蛋飯」,都是Wendy愛食的東西, 波哥為太太特別加入Menu.(愛妻之選喎!!好冧呀!!) 波哥:「佢鍾意食, 而D客食完又鍾意先最重要」(唔駛兜啦!! 總之滿瀉愛啦)一定要試波哥的招牌鰻魚飯 ($88), 因為日賣80碗. 今日20:30已經售罄, 我們是尾二的一碗 ~好彩剛剛行快兩步.超長鰻魚, 足足有一部半Note5長度, 勁抵食. 這裡的鰻魚算肥美, 入口即溶, 嫩香鮮甜沒有刺.波哥:「話晒日本鰻, 我哋唔會用台灣貨, 一食就知分別㗎」(你落D咩係飯面呀?) 波哥:「鰹魚碎, 日本好普遍, D飯會更香」萬家前身是超市, 因為去年業主加租3倍, 所以兩夫婦決定搬到現址, 波哥:「我不嬲好鍾意煮嘢, 舊舖太細, 只可以同客人口頭分享, E家

喺要連續食一個星期意粉前嘅一個lunch，食乜好呢？好似好耐冇食過日本嘢，不過時間又唔係多，呢度好似OK喎。其實唔難搵，因為門口已經黐咗好多好多單張，老實講，係多到眼花一推門入去，有3張高檯及好多好多單張。老闆問我想食乜嘢，本身想外賣，不過外賣拉麵好似唔太方便，所以最後都係決定坐低食。原來呢度下午5點先開(開到半夜)，不過既然我嚟到，老闆話煮嘢俾我食啦，真係好，唔使再搵食乜！食物種類好有趣，例如日式臘味炒飯、皮蛋、紅棗水、泰式飲品等，乜呢度唔係居酒屋嚟㗎咩？我叫咗個鰻魚飯，大雄叫咗個走地雞拉麵。冇錯，係走地雞配拉麵！落咗單之後走入去睇吓，呢度外面係食嘢嘅，入面就係迷你超市。賣嘅嘢又係好多元化，例如電話殼、超級多嘅酒、飲品、日式韓式調味料、意粉(都有？！)、雪藏海鮮、飛驒牛、黑毛豬....... 最特別嘅係啲酒可以隨便試飲，試到啱先買！大雄呢隻酒鬼即刻試飲日本手工啤，一飲鍾情，要即時拎一支出去一路食嘢一路飲喎鰻魚飯 ($88)呢度雖然係日式居酒屋，不過感覺好casual好屋企咁，所以餐具上都會比較隨意，唔好當呢度會係用一個好靚嘅木盒放鰻魚飯啊！老闆用咗一個好大嘅碗上菜，哇燒過嘅鰻魚好香啊