劉一手重慶火鍋 (金朝陽中心二期 - Midtown) (已結業)

【湾仔区】【刘一手重庆火锅】听过呢间嘢好耐，不过因为我唔太食得辣，所以我一直都冇将佢放喺我目标名单之内。直到呢排朋友买咗 klook 嘅优惠，好似可以平啲咁食一个套餐，我就姑且去睇睇发生咩事，原来系一个 $569 嘅「独家限时半价优惠」嚟。佢个全名系「秘制麻辣鸳鸯锅二人滋味晚餐」，两个钟用餐时间，配备一个「鸳鸯锅汤底」。我哋都唔太食得辣，所以拣咗「皮蛋芫茜汤」同「滋润椰子鸡汤」，够晒弱，我中意。两者都可以，只系愈食愈咸，要加水先得。火锅料有「鲜切本地牛三拼」，包括手切牛上脑、手切吊龙牛肉、鲜切本地骟牯牛展，都几正，而「手切梅头猪肉片」同「新鲜鱿鱼」其实都唔错。个餐仲有重庆特色食材「招牌刘毛肚」、「团圆鸭血」同「海带苗」，可以嘅。之后嘅「海陆三拼手打肉丸」、「重庆特色蔬菜拼盘」同「重庆小面」感觉都系正常火锅料，可能放辣汤会好啲。小食「炸响铃」同「重庆特色酥肉」都几好，甜品「黑糖糍粑」好食，饮品系「酸梅汤」，都可以。嘅餐唔系我畀，用原价嚟加一，好似唔算好抵食。。。（地址：铜锣湾登龙街1-29号金朝阳中心二期 - Midtown 1楼）#1amfoodie #foodie #hkfoodie