爺爺雞飯 (金百利中心) (已結業)

【湾仔区】【爷爷鸡饭】呢餐好特别，同两位朋友食，但系我当晚胃口就唔系太好，所以都冇乜点食。然而朋友盛意拳拳咁，我又好难推却嘅，始终我要布一个好大嘅局，捉一盘好大嘅棋吖嘛。餐厅位置唔错嘅，系喺铜锣湾嘅金百利七楼，一个正常嘅香港人都应该识去嘅地方嚟。首先叫咗 $68 嘅「驰名沙姜鸡配白饭」，呢度出名食鸡饭，睇佢啲鸡个样都唔错，皮几黄，朋友都话 okay。然后系 $68 嘅「马来沙嗲串烧半打」，有六串沙嗲串，感觉都几有马拉 feel 嘅。味道方面，朋友都话系可以嘅，至少对得住个价钱先，呢点好重要。之后仲有 $35 嘅「印度薄饼」，一碟有四件，即系一块圆形𠮶啲印度薄饼一开四，佢哋话 okay。饮品方面，朋友饮 $45 嘅「百香果水果茶」少冰，朋友话好饮。而我𠮶杯 $30 嘅「椰汁班兰冰」就相当一般，好似有阵怪味。埋单 $270，铜锣湾楼上舖合理价钱。。。（地址：铜锣湾记利佐治街1号金百利中心7楼R2号舖）