影片
更多
2024-03-02
1885 浏览
【湾仔区】【Jacomax】铜锣湾渣甸街食肆林立唔系一朝一夕嘅事，我都写过呢条街好几间餐厅。不过有一间我食过好耐但系一直都出唔到 post，令我耿耿于怀。原来第一次系喺 24/4/2021 嘅下昼，食咗个十二吋嘅经典薄饼，都成三年前喇㖞，好耐。当时系食 $208 嘅「川秀三文鱼子遇上西西里柠檬啲皮」薄饼，连加一系 $229 埋单，𠮶时觉得个味好特别，想再嚟食先出 post。当时我已经开咗呢个 IG，所以系有图片记录。直到有次同道歉哥睇完波揾嘢食，先再食到佢。我哋叫咗 $428 嘅二人套餐，有三样嘢食，个「炸鱿鱼圈配他他酱」啲鱿鱼几好肉，炸得又香。而个「9吋蓝芝士苹果薄饼」好香蓝芝士味，配埋啲苹果几得意。仲有个都几辣嘅「招牌香辣海鲜粗意粉」，海鲜几足料，算多𩠌嘅。个餐仲有嘢饮，我系饮「青柠梳打」，道歉哥饮「冻柠茶」，我𠮶杯都唔错嘅。呢餐加一后价钱系 $471，以铜锣湾食个西餐嚟讲一啲都唔贵。而且餐饭仲有彩蛋，就系喺餐厅里面居然见到香港足球队主教练安达臣先生，影埋合照先走。。。（地址：铜锣湾渣甸街50号渣甸中心地舖）#1amfoodie #foodie #hkfoodie #thatfoo
当时系食 $208 嘅「川秀三文鱼子遇上西西里柠檬啲皮」薄饼，连加一系 $229 埋单，𠮶时觉得个味好特别，想再嚟食先出 post。当时我已经开咗呢个 IG，所以系有图片记录。直到有次同道歉哥睇完波揾嘢食，先再食到佢。
我哋叫咗 $428 嘅二人套餐，有三样嘢食，个「炸鱿鱼圈配他他酱」啲鱿鱼几好肉，炸得又香。而个「9吋蓝芝士苹果薄饼」好香蓝芝士味，配埋啲苹果几得意。仲有个都几辣嘅「招牌香辣海鲜粗意粉」，海鲜几足料，算多𩠌嘅。
个餐仲有嘢饮，我系饮「青柠梳打」，道歉哥饮「冻柠茶」，我𠮶杯都唔错嘅。呢餐加一后价钱系 $471，以铜锣湾食个西餐嚟讲一啲都唔贵。而且餐饭仲有彩蛋，就系喺餐厅里面居然见到香港足球队主教练安达臣先生，影埋合照先走。。。
（地址：铜锣湾渣甸街50号渣甸中心地舖）
#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am湾仔区 #铜锣湾 #Jacomax #川秀三文鱼子遇上西西里柠檬啲皮 #二人套餐 #炸鱿鱼圈配他他酱 #9吋蓝芝士苹果薄饼 #招牌香辣海鲜粗意粉 #青柠梳打 #冻柠茶 #1am1283 #1ambackup
张贴
