炙・宴 (時代廣場)

营业中

休息中

嚟到11月底，终于感受到初冬嘅气味。趁住冻冻地嘅温度，当然最啱就系打边炉🍲。呢间日式炙烧丼饭专门店近期推广一人一锅，除咗食尽日本宫崎和牛同日本豚肉外，仲有新推出嘅海鲜锅俾大家拣，啱晒独家村嘅阿叔嚟自私食。🍲宫崎和牛并特上日本豚锅 ($179)份量十足嘅日式火锅，可以一次过满足晒你食日本宫崎和牛同日本豚肉！火锅汤底可拣寿喜烧风又或者猪骨清汤，阿叔一向都系浓味仔，当然会拣前者啦！主菜宫崎和牛同特上豚肉分别有2同3大块，前者每块都见到细致嘅霜降雪花，而且牛味十足；后者就肥而不腻，口感柔软有弹性。两者配埋寿喜烧汁连饭一齐食，确实非常满足。🐟宫崎和牛海鲜锅 ($218)店内嘅新火锅，以龙虾汤作底，配上日本宫崎和牛、带子、三文鱼同鱿鱼。和牛高质之余，另外值得一赞系个汤底，真心好好饮，龙虾汤加上海鲜，真正鲜味十足，冬天饮啱晒！即使同一款和牛，食落嘅味道会更鲜甜。