芝心糖人街 (已結業)

嚟九龙城揾食，除咗泰国菜之外，最近又多个新蒲点—芝心糖人街，听个名都知道系芝士控嘅天堂！ 芝士蛋白流心吐司: 厚厚嘅丰盈蛋白，外型十足旧云，上面铺满芝士同粟米，轻轻一切，蛋黄破云而出，场面震撼到要发出震撼性嘅声音！吐司烘得松脆，充满浓浓嘅牛油香味，吐司完全吸收哂蛋黄汁、粟米嘅甜味，坚系好味！随著紫薯热嘅漫延，紫薯已达到无所不在嘅地步啦！黄色同紫色喺色谱上系对立，但当金黄色嘅薯饼遇上紫薯，却产生化学作用，成为Perfect match! 紫薯薯饼: 薯饼表面炸得香脆，内里紫薯味芳香浓郁，原粒栗子为薯饼增加口感，同时中和紫薯嘅甜味，紫薯控必食之选！