聯和一起素 (已結業)

北区既素食餐厅唔多，大概就只有以下四间：蓬瀛仙馆云泉仙馆普陀素食联和一起素头三间都系中式素食，想食啲冇咁油腻既中式斋，就要去联和一起素。联和一起素既前身系联和素食，之前去亲都必食佢地既纯素牛油果多士，估唔到依家会冇左，有啲失望。但好彩依家既食物都唔错，可以弥补返个失落感。见到个纯素担担面好吸引，仲可以配饺子。个汤底超浓郁，有沾面既效果，好重花生味，花生控一定会钟意。另外仲有啲海带芽同配菜吊下味。饺子皮薄馅靓，胀卜卜好饱满。本来以为素蚝仔会用草菇扮，原来佢地系用豆腐同紫菜捞埋再搓到一粒粒咁。冇乜特别蚝既口感，但当小食咁都唔错。就咁食有少少干，如果可以配个酱会更好。仲有好多菜式未试，佢地用馒头做Burger既做法都几得意。喺北区依个素食沙漠，联和一起素就好似个绿洲咁，令到素食者都有啖好食。