影片
更多
2022-08-13
623 浏览
又一间素食餐厅要执笠喇⋯敬一既前身系喺大角咀，个名已经唔记得左，只记得佢地好短时间就已经执左，当得知敬一开张真系好兴奋！佢地做既系素川菜，香港真系冇乜地方食到，果种惹味同镬气真系好吸引。佢地10月就要执笠，喺10月之前食得一次得一次。辣子鸡系我最爱，猴头菇化身为鸡粒，外脆内软。虽然有好多辣椒，但又唔会好辣，啲辣椒可以食埋落肚，就好似食薯片咁，仲有啲花生同芹菜都好点睛，一个人都可以食哂成碟！水煮三国系我第二最爱，炸到香脆既杏鲍菇，整齐咁排喺辣汤上面，唔会浸到淋哂，配埋极富弹性既薯粉，超正！酸菜鱼啱唔食辣既人，啲素鱼炸到金黄酥脆，汤有大量酸菜、豆腐、仲有粉丝，啲粉丝索哂啲汤，每一啖都好juicy。素叉烧喺好多素食餐厅都有得食，敬一就加左啲紫菜腐皮卷令佢更有自己特色。啲叉烧好松唔死实，外面脆卜卜仲有啲㶶边，系上等既素叉烧。紫菜腐皮卷都好脆好好味，绝对唔系个普通配角。素食好似净系食菜，但真素食者就知其实唔系，所以都要特登点返一个菜黎食下。椰菜花炒得够干身又唔会好油，食落爽口，即使只系一碟菜都一丝不苟。最后依味系餐牌上冇，楼面遮遮私心推介，但已经唔记得佢叫咩名噜。有别于其他主打辣既菜式，依味系走
敬一既前身系喺大角咀，个名已经唔记得左，只记得佢地好短时间就已经执左，当得知敬一开张真系好兴奋！佢地做既系素川菜，香港真系冇乜地方食到，果种惹味同镬气真系好吸引。佢地10月就要执笠，喺10月之前食得一次得一次。
辣子鸡系我最爱，猴头菇化身为鸡粒，外脆内软。虽然有好多辣椒，但又唔会好辣，啲辣椒可以食埋落肚，就好似食薯片咁，仲有啲花生同芹菜都好点睛，一个人都可以食哂成碟！
水煮三国系我第二最爱，炸到香脆既杏鲍菇，整齐咁排喺辣汤上面，唔会浸到淋哂，配埋极富弹性既薯粉，超正！
酸菜鱼啱唔食辣既人，啲素鱼炸到金黄酥脆，汤有大量酸菜、豆腐、仲有粉丝，啲粉丝索哂啲汤，每一啖都好juicy。
素叉烧喺好多素食餐厅都有得食，敬一就加左啲紫菜腐皮卷令佢更有自己特色。啲叉烧好松唔死实，外面脆卜卜仲有啲㶶边，系上等既素叉烧。紫菜腐皮卷都好脆好好味，绝对唔系个普通配角。
素食好似净系食菜，但真素食者就知其实唔系，所以都要特登点返一个菜黎食下。椰菜花炒得够干身又唔会好油，食落爽口，即使只系一碟菜都一丝不苟。
最后依味系餐牌上冇，楼面遮遮私心推介，但已经唔记得佢叫咩名噜。有别于其他主打辣既菜式，依味系走酸甜路线。平时食开既猴头菇都系一旧旧，但依味既猴头菇就系切片既，呈现出不同既口感，好特别。
咁高质既食物真心百吃不厌，希望敬一快啲揾到新铺位，等我地可以继续叹佢地既出品啦。
张贴
