影片
更多
2021-12-11
1640 浏览
见到人话尼泊尔素食，喺冇得去旅行既日子，食啲唔同地方既食物就当去左旅行，咁就黎一场尼泊尔之旅啦。入到去餐厅系一个香港人都冇，全部都系尼泊尔样既人！好彩menu系中英对照，都叫做可以睇下有乜食，不过同印度餐一样，就算睇得明餐牌啲字，都唔会估到系食啲乜，所以都系乱啲点。Vegetarian Roti Set 素菜薄饼套餐 - 套餐有三𩠌一汤同薄饼，另外仲有中间果堆加料，其实除左白菜之外其他都唔系好知系乜黎。个汤几好饮，有啲豆味咁。Vegetarian Dido Set 素菜迪多套餐 - 依个套餐啲𩠌同薄饼套餐系一样既，只系个主食由薄饼变左一旧不知名既面团。你以为佢系面包？少年真系太天真，依旧系一旧完全冇发酵过既面粉团，好实好dense，感觉系食一世都食唔哂⋯⋯店主见我地食得好辛苦，就解释话依旧野系好heavy，问我地会唔会想转饭。由于我地已经饱到上心口，所以婉拒左佢既好意。Mixed Veg Pakoda 炸杂锦素菜小食 - 依个好食，炸得好香脆。虽然话系杂锦素茶，但基本上食到既好似都系洋葱。3样野加埋先100蚊多啲，仲要劲饱肚，不过就唔太啱我地胃口，试一次就够了。
Vegetarian Roti Set 素菜薄饼套餐 - 套餐有三𩠌一汤同薄饼，另外仲有中间果堆加料，其实除左白菜之外其他都唔系好知系乜黎。个汤几好饮，有啲豆味咁。
Vegetarian Dido Set 素菜迪多套餐 - 依个套餐啲𩠌同薄饼套餐系一样既，只系个主食由薄饼变左一旧不知名既面团。你以为佢系面包？少年真系太天真，依旧系一旧完全冇发酵过既面粉团，好实好dense，感觉系食一世都食唔哂⋯⋯店主见我地食得好辛苦，就解释话依旧野系好heavy，问我地会唔会想转饭。由于我地已经饱到上心口，所以婉拒左佢既好意。
Mixed Veg Pakoda 炸杂锦素菜小食 - 依个好食，炸得好香脆。虽然话系杂锦素茶，但基本上食到既好似都系洋葱。
3样野加埋先100蚊多啲，仲要劲饱肚，不过就唔太啱我地胃口，试一次就够了。
张贴
