佛手柑素食 (已結業)

去开太子果边，记起有依间「佛手柑素食」，之前见有人share过佢既海南鸡饭卖相都唔错，就决定去试下啦。坐低睇menu发现海南鸡饭唔系vegan的，好失望跟住谂住食车仔面，点知都冇，不过既然坐低左，都拣啲野黎食啦。素虾云吞炸得好脆，块皮略嫌枧水味比较重，食到啲涩味，好彩有啲酸甜汁中和下。马来咖喱杂菜可以拣配唔同配料，我地就拣左鲜竹粒。个咖喱汁都几稀，唔知系咪马来特色，但味道都尚算唔错。加钱改配黄金酥饼，都系不过不失咁啦，当家常便饭咁食就ok。铺内生意唔算好，老板娘走左去观音像面前拜拜，话希望有多7-8枱客，之后神奇既事就发生左。老板娘拜完观音后，就突然系咁有客入黎，堂食同外卖都有，真系叫人啧啧称奇。