名捌月 (已結業)

病咗好几个礼拜，成日食清嘢，明明好番啲都唔敢乱黎，大家都要保重，呢轮天气真系😥😥系未病之前，朋友带左我嚟呢间食。我每年都会黎一次荃湾，拜年探亲，唔系好熟路。呢间对我黎讲易揾，系地铁一出，行去对面南丰，有条回旋楼梯落去，好易见到👍🏻好抢眼嘅招牌算多嘢食，有啲仲好邪恶添先上例汤，打溶咗菇汤，唔算太浓。点埋佢呢个烘过嘅包条，脆口，几特别。邪恶之旅开始，先黎咸金沙炸薯条，58元，喜欢邪恶美食嘅您唔好错过，平时点一客薯条都要4，5十元，呢个58元好值，加左咸蛋黄，真系不得了，唔会翻炸，即叫即整。蟹肉蟹膏意粉，168元，呢个份量唔算多，但料比您想像足，啖啖蟹味，超浓。最后就系猪手，238元，超多肉，皮炸得够脆，真系要同时间竞赛，一上枱就要食。整体唔错，各样都好食，店员服务可以。