喜登堡茶餐廳

营业中

休息中

【荃湾区】【喜登堡茶餐厅】有一排要过嚟海滨花园呢边做啲嘢，咁一场嚟到就梗系食埋嘢先走，初初净系以为得平台 A 𠮶两间茶记，后来发现仲有间类似酒楼嘅物体，仲有啲外卖店。再行落去睇吓，哗，原来呢度全部都系餐厅，俨如一条食街咁。然而，有啲好似唔系好适合我当时嘅情况食，而且营业时间上都未必夹到。我去嘅时间多数都系下昼，有啲餐厅净系做饭市唔做下午茶时段就会落场。而有啲唔做晚市嘅又就快 last order 咁，总之就系少咗好多选择咁样。上次食过新卓蕾，自己就系佢哋当日最后一个客，感觉都有啲尴尬，阻人收工随时连累屋企人嘛，哈哈。当时𠮶篇系 1am0782，不过𠮶日系临时临急写，所以就冇交待好多用餐背景咁，今次就讲返自己系过𠮶边做啲嘢咁解。今次呢间喺上次𠮶间对面嘅啫，茶记之对决咁。我份人就公道过谭公道，每边食一次咁啰。我就咁睇，两间都好似家庭式经营，而今次呢间光猛啲，而且好似佬味浓啲，倾向食啲碟头嘢咁。不过我作为港女，都系叫常餐啦。叫咗个「金牌常餐」，主食叫「鸡扒」，本身配米粉但佢嚟错意粉就算啦，味道都系咁一般架喇。份「火腿奄列」稍为炒多咗，老咗少少，不过都唔系差嘅。饮品我要「冻奶茶」，茶记正常水平