幸福麵館

营业中

休息中

【荃湾区】【幸福面馆】同上司春哥喺荃湾揾嘢食，见呢间「幸福面馆」装修几新净，又几多人，就入去试吓。佢入面都几多面嘅选择，又可以好似车仔面咁叫𩠌，不过我哋都有「选择困难症」，所以就咁叫咗佢哋预设嘅组合嘅面食。我同佢各叫一碗，再互相 share 啲𩠌嚟食。佢试咗 $58 嘅「牛牛面」，啲𩠌又真系好多牛，有澳洲牛筋丸、潮州牛肉饼、牛腩、牛肋条、秘制金钱肚、卤水牛筋、冬菇，春哥拣咗淮山面做面底，汤底就拣微辣嘅沙嗲汁，我食咗啲都唔错，淮山面几好食。佢加 $6 饮「冻柠茶」少少冰，正正常常咁。我就试 $58 嘅「鱼鱼面」，有手工鱼滑、鱼肉春卷、手工鱼扎、鱼腐、 陈皮鱼蛋、冬菇、时菜，配菠菜虾子面同唔辣嘅猪骨清汤，感觉几清几简单，啱我，加 $3 嘅「热柠茶」都合理。我哋试埋 $26 嘅「经典煎酿三宝」，有茄子、红肠、青椒，夹埋 $151 几好。。。（地址：荃湾享成街10号香城大厦地下6号舖）@happiness_tsuenwan#1amfoodie #foodie #hkfoodie #thatfoodiething #hkfood #food #instafood #yummy #foodlove