牛奶冰室 (寶石大廈)

营业中

休息中

【荃湾区】【牛奶冰室】由于要去荃湾买啲嘢，所以就喺荃湾出现咗。以前曾经喺荃湾返工，不过由于当时人工唔足以令我食到好多嘢，所以𠮶时主力都系食某几间平靓正嘅嘢就算。而有啲新开嘅我甚至系见都未见过，好似经过宝石大厦见到嘅呢间新派冰室就系其一。本身喺呢头附近我只系记得有校长烧肉，佢嘅前身系韩日烧，即系明将化身𠮶间，再之前就应该系扒王之王嚟。而佢对面就系我今次要讲𠮶度，我都唔知之前佢系咩嚟，我只系记得自己第一次做婚礼司仪就系喺呢度上面，好似系煌府嚟。而入到呢间牛奶冰室之后，觉得佢个装修都几得意，走些少工业风加上木色陈设之余，又周围都系黑白乳牛 style 嘅嘢，几有趣。餐牌上面嘅「爆浆拉丝菠萝包」，见佢喺门口有，都好吸引，金黄松脆菠萝包配上邪恶嘅芝士拉丝，都想睇吓会系点。不过想食正餐先嘅我都系叫个「全日常餐」先，食「生滚牛肉汤通粉」，讲到系选用「营养牛乳汤底」咁过瘾，但系当我转食「即食伊面」嘅话，又冇人提我会自动转做「即食伊面汤底」，搞到我上菜见到个样唔对路，食落先知，失望。话虽如此，其实啲牛肉片配以少量姜丝，加埋个福面咁嘅款嘅面，都系几好食嘅，转个头就啪晒。「蒜香牛油多士」有两块，系几够蒜香味