皇室甜品 (眾安街)

营业中

休息中

【荃湾区】【皇室甜品】又系一间食咗好多次嘅餐厅，自从喺美国返嚟之后我系跑少咗好多十八区餐厅。又或者咁讲，我系根本冇跑，一味慢活人生，感受退休生活，日日除咗宅喺屋企就系返工。所以，呢啲真系好「仓底」嘅体验都要被我搬出嚟用。不过又咁讲，间嘢都唔差嘅，而且附近选择又唔多，我抽两次嘅用餐体验出嚟讲吓啦。第一次想讲嘅系我自己去食嘅，首先系 $56 嘅「原盅椰皇炖蛋白双丸」，所谓双丸即系芝麻汤丸同埋芋圆，有得拣冻或者热，我拣冻。佢味道唔差啦，正正常常，价钱亦都合理，冇咩好挑剔亦都冇咩特别要抽出嚟讲。反而之后买咗杯 $10 嘅「椰皇水」清清哋几好饮，女性唔系处于经期嘅话不妨试吓。我食𠮶时埋单系 $66，据我所知好似加过价，大家留意。点解我会知佢加咗价因为我之后都有再 keep 住去嘛，咁跟住想讲一次同朋友去食嘅，佢叫咗个 $40 嘅「有丸相聚」，有芋丸、香芋雪糕、小丸子、仙草冻，佢都冇乜感觉，四草嘢，一分钱一分货，正正常常我觉得就可以啦。我自己谂唔到食乜，叫咗个都系 $40 嘅「香蕉船配三球雪糕」，雪糕可以拣三只味，我拣咗香芋、曲奇同埋绿茶。味道唔差啦，香蕉船呢啲相对稳阵嘅甜品，一般都唔会有咩大甩漏