皇室甜品 (眾安街)

营业中

休息中

用咗openrice 咁多年 第一次留comment 就係為咗警世 各位千祈唔好食呢間野 難食到爆 未試過食咁難食嘅糖水 外賣到第一眼見到兜野都feel到伏伏地 芒果河粉 楊枝甘露個底汁完全無芒果味 個汁係用甜到爆嘅糖水開出黎嘅沙冰 河粉唔知食緊乜 楊枝甘露入面嘅配料9唔搭8 擺埋啲椰果呀 奇怪硬膠珠入去 又無花奶又無西米 2碗芒果糖水陣味一模一樣 一樣咁難食 純粹配料唔同 都唔知自己食緊乜 好難食 貼錢送比我都唔會食🤢食一次即刻blacklist

食完正餐過嚟食下糖水，近近哋去咗皇室甜品，呢間甜品舖都有咗好多年，正式幾時開業就唔知，不過十年八載都應該有。一入去，店員就叫你坐右手邊卡位，ok啦，其實仲係飯市，食糖水嘅人都偏少嘅。睇咗好耐餐牌都唔知叫咩好，因為店內好暗，張餐牌又好污糟，搞到好似款款糖水都唔多吸引😂⭐香蕉船配三球雪糕最後揀咗個香蕉船，因為自己本身想食雪糕，而雪糕就揀咗曲奇、朱古力同香芋三款口味。個樣望落去都唔錯呀，一條蕉切半，放咗三個雪糕球，上面唧咗幾pat cream，味道正常囉，就係雪糕啫。⭐龍珠二世朋友叫呢個龍珠二世，有龍眼、芒果、水晶珠同黑珍珠，可能係因為有兩種珠所以叫龍珠二世掛，如果唔係我都唔知呢個名有乜關係😂一個唔甜嘅甜品，下層嘅芒果醬唔知點解有少少苦味添。甜品水準一般，但出餐極快，一落單已經喺你檯面出現。可能係店內比較黑嘅關係，又唔係好夠冷氣濕濕熱熱咁，坐坐下仲覺得畀蝨咬又痕又痛😂而且店內真係好嘈，一間細舖竟然數到有12個員工，廚房四個樓面五個，仲有幾個喺廚房內部貌似係清潔工，淨係店員傾計都已經嘈到你聽唔到其他聲音…最後快快脆脆食完就走咗，前後都係食咗20分鐘左右。呢個價錢，呢個賣相，再加上店內嘅環境，我

15-2-2024夜晚11點叫甜品外賣，叫左一個椰汁燉雪燕+芒果河粉及一個榴槤皇后大概11點50外賣送到，一打開聞到陣好重既杏仁味，就打電話到去查詢對話內容如下：我：我剛剛叫左外賣，一個係椰汁燉雪燕+芒果河粉，同埋一個榴槤皇后，但係我聞到(椰汁燉雪燕)好大陣杏仁味，我想問會唔會搞錯左女店員：你既單號碼係幾多，幫你睇睇我：2XXX女店員：可能係廚房搞錯左，剛剛好繁忙我：咁可唔可以換過一個送過黎女店員：唔可以wor，退錢啦，咁都無辦法我，下，無辦法，你自己搞錯左話無辦法女店員：係呀…無辦法試問係唔係真係無辦法呢？其實送外賣又唔駛你送，只係要求廚房做過新既就可以依家d服務咁差，難怪香港人都唔想係港消費

14-10-2023（六）係荃灣食完晚飯，上OpenRice睇吓邊度有甜品食，點知行行吓就見到呢間甜品店，見到好多人食，就諗都唔諗就入去。叫咗一個芋圓小丸子芒果，一個雪燕燉杏汁，一個芒果味雞蛋仔走cream。1.雪燕燉杏汁有陣怪味，口感結塌塌，好似口水鼻涕咁。我以為自己味覺有問題，再比我仔食，佢話係臭嘅，即刻嘔返出嚟。2.芒果味雞蛋仔走cream，黎都係黑色嘅，以為係朱古力味，點知一食係燶味，然後我問個店員佢話係咁樣嘅，因為有啲人鍾意食燶啲，如果想冇咁燶要落單之前講。 然後佢話正常，我都費事人哋再換過，然後我上去OpenRice睇，點解人哋係正常嘅色？我嗰個係深啡色，我都係覺得唔對路，我再問另一個店員，佢見到咁既色就幫我換過佢，仲話重新整過要等10幾分鐘，點知3分鐘之後到咗。健康顏色正正常常，諗住有得食，但係見到加埋cream俾我，我都費事要麻煩人，自己不走咗啲cream，諗住一食個雞蛋仔，個雞蛋仔凍嘅，淋嘅，好似成個海綿咁，擺咗好耐啲感覺。我再搵返幫我換嗰個店員。佢話星期六日多人，佢整完放喺度吹凍，係啱啱整好，我就俾佢睇，我話你睇吓成個海綿玩具咁，完全食唔到。佢仲叫我換窩夫，我都怕佢

睇餐牌啲相賣相好似幾吸引咁，叫左一個叫「少女時代（乳酪）」嘅甜品（見到「乳酪」呢兩個字嘅時候有少少疑惑，不過照嗌左）。幅圖個樣似鮮芋仙嗰種牛奶冰咁，配料影出黎見到嘅有紅豆同白玉丸子。點知黎到就覺得唔對路，配料除左紅豆同白玉丸子，竟然係一堆彩色啫喱⋯再食落口就知出事，個冰真係益力多咁嘅味仲要勁淡，完全唔係牛奶冰嗰回事。紅豆就好明顯係糖水罐頭，但已經係全碟最好食嗰樣，丸子又硬又無味唔知雪左幾耐，亦都無其他花生/仙草嘅料。從來無諗過自己有一日會因為覺得難食而寫食評，相都無影，真係可一不可再🙈環境表面睇落就無咩問題嘅，不過我坐喺佢個魚缸隔離，見到佢養隻龜個頭同殼都好似有少少霉咁，我估老闆對衛生嘅要求就未必好高🙈

荃灣甜品不嬲都出名，今次經過見到一間皇室甜品，一於試一試係咪都高水平，望一望個餐牌，價錢都唔係經濟，點咗一個芒果班戟，芝麻糊同埋椰皇燉蛋白雙丸，堂食位置不寬敞，只好外賣回家。回到家裏滿心歡喜期待，誰不知。。。。。誰偷走了我的蛋白？明明寫住係燉蛋白，但只有椰汁？打去舖頭詢問，舖頭聲稱蛋白在底層，我就倒晒出黎，眼見底層毫無蛋白，而且不斷找尋蛋白（如圖），只有見到稀釋的椰汁，沒有任何固體蛋白，好失望！應該改名叫椰汁燉雙丸，沒有燉蛋白，請不要加上燉蛋白在名稱上！拎落去更換，店舖亦毫無悔意，不願更換。。唉！以為芝麻糊沒有出錯的機會，點知都係淡而無味。。。點解呢間垃圾仲有人食。。。只係希望唔好再有下一個受害人。。。食到呢間垃圾糖水店！

明明寫住營業時間到01：00，未夠12：00入去坐低，前後都仲有幾枱客，睇完餐牌叫嘢食 啲員工就掛住吹水，叫極冇反應甜品未上已經見到佢哋開始清場收櫈，個阿姐開咗桶清潔劑抹枱，居然就帶住佢嗰對清潔用緊嘅黑色膠手套岀甜品俾我哋！轉頭就係隔離掃地 , 掃把係咁隊埋嚟，直頭掃到我哋隻腳！食個甜品食埋塵？完全冇理過啲客講真咁細個場要清幾耐呀？係咁趕收工就早講截咗單唔好接客啦！嬲到即走 冇啲衛生常識！ 真係離曬譜！ 以後唔會再去！

📍 皇室甜品🗓️ 17 August 2023之前喺皇室甜品食過好幾次芒果類嘅甜品，都覺得唔好食。鋪頭我唯一會食嘅就係熱紫米露，價錢係26幾蚊左右，而且質素我覺得OK。冇食一排，今日再去買咗紫米露食，點知味道都失準。食落去冇乜味，只有奶味，懷疑係落得太多花奶/椰奶。真係非常失望，連唯一我覺得可以開接受嘅甜品都失手。不過經常都見到呢間甜品舖人流不斷，唔知會唔會係佢嘅其他甜品係好出色。如果我再有需要食呢間，可能我會試吓佢嘅Waffle。

【荃灣區】【皇室甜品】又係一間食咗好多次嘅餐廳，自從喺美國返嚟之後我係跑少咗好多十八區餐廳。又或者咁講，我係根本冇跑，一味慢活人生，感受退休生活，日日除咗宅喺屋企就係返工。所以，呢啲真係好「倉底」嘅體驗都要被我搬出嚟用。不過又咁講，間嘢都唔差嘅，而且附近選擇又唔多，我抽兩次嘅用餐體驗出嚟講吓啦。第一次想講嘅係我自己去食嘅，首先係 $56 嘅「原盅椰皇燉蛋白雙丸」，所謂雙丸即係芝麻湯丸同埋芋圓，有得揀凍或者熱，我揀凍。佢味道唔差啦，正正常常，價錢亦都合理，冇咩好挑剔亦都冇咩特別要抽出嚟講。反而之後買咗杯 $10 嘅「椰皇水」清清哋幾好飲，女性唔係處於經期嘅話不妨試吓。我食嗰時埋單係 $66，據我所知好似加過價，大家留意。點解我會知佢加咗價因為我之後都有再 keep 住去嘛，咁跟住想講一次同朋友去食嘅，佢叫咗個 $40 嘅「有丸相聚」，有芋丸、香芋雪糕、小丸子、仙草凍，佢都冇乜感覺，四草嘢，一分錢一分貨，正正常常我覺得就可以啦。我自己諗唔到食乜，叫咗個都係 $40 嘅「香蕉船配三球雪糕」，雪糕可以揀三隻味，我揀咗香芋、曲奇同埋綠茶。味道唔差啦，香蕉船呢啲相對穩陣嘅甜品，一般都唔會有咩大甩漏

今日週末，經過哩間甜品店，打算同屋企人食個甜品，開心下。遇到一個中年婦女店員，服務態度真係頂唔順，我係客，我自問遇事都溫順寬容，你唔使用指責的態度來講嘢（雖然好似得你一個人做野）。為左減少你的工作量，我地唔會再來。

📍皇室甜品 (眾安街) (荃灣)荃灣眾安街118號地舖波波窩夫🧇$39一眼睇就好滿足😂好多野食，用雞蛋仔包住個雪糕，加上滿滿嘅士多啤梨同cream同埋啲裝飾品，都幾抵食👏2個人食都夠

幾日前同朋友係呢間店食飯後甜品，其中一個朋友叫左個鋒芒不畢露。個menu寫住有芒果、焦糖布丁同水晶珠。結果嚟到嘅甜品簡直不倫不類，入邊嘅焦糖布丁轉咗做啫喱粒粒，芒果底仲要淡茂茂咁我地好聲好氣問個店員係味黎錯左，唔咁猶自可，一問真係把幾火 個店員好冇禮貌咁話個餐牌轉左好耐，仲賴埋香港所有餐廳既餐牌都圖片與實物一向不符 大佬呀我地第一次黎呢間度食，你話轉左材料應該係我哋落單嘅時候講，而唔係當理所當然人人都知講真呢啲就算登報紙都冇人會留意嘅嘢，你點會prefer一個新客會知？！ 另外你話圖片與現實不符，但係你個餐牌連有咩材料都寫埋，，唔通文字都算係圖片一種？？咁不如呢間餐廳唔好有餐牌啦最後個店員態度惡劣，仲死口唔認錯，sorry都冇句，真係納入永不幫襯名單！

外賣兩碗甜品，兩碗都可以比漏野，一碗比漏綠色點子，另一碗成個布丁都漏咗，包裝方面成個蓋都蓋唔實。味道係唔差，但一碗甜品得三樣材料都可以每碗都比漏真係好失敗，根本就食緊芒果汁+芒果，最大份嘅布丁竟然比漏，$38比啲咁嘅野我食，如果堂食發現間餐廳咁離譜一定會開聲，今次係間餐廳一時錯手定係有心外賣比少啲料冇人知。行行下發現個蓋都味蓋實，漏咗啲汁出黎，連蓋都唔識琴實要個客自己琴，真係經典！第一次食就兩碗甜品都俾漏料，真係好失望！如果想$38 食芒果汁+芒果，就一定要試下咁簡單嘅野都可以做漏做錯做唔好，勁！

我只買個外賣，💁🏻唔明成間舖都得一枱客，係極唔忙🪰的情況下，個店員態度極🤬不耐煩，毫冇😶禮貌。如果佢係老細，唔知係咪想關門大吉？如果係員工，一定係好憎個老細想幫佢趕客。用二百幾蚊買四個糖水，叫佢分開袋，我講一句，佢就搶住講。我講唔係，再講，佢又爭住講。我都未講完，佢悤急過我，自問我都怕煩，買嘢要求都係要快。但你都要聽左我個需要點分袋，因我係幫三伙人買，佢仲越講越不耐煩同大聲，最後我忍唔住我要光燈大聲過佢，我終於可以講晒，我想講點分開袋。再補多句唔係好難名姐。佢個嘴真係唔合唔埋，悤要駁返句，唔難。真係俾佢吹脹，下次唔使旨意我再去幫襯佢。

難食，勸諭大家唔好嚟。。。荃灣咁多甜品店，無必要都唔好揀呢間🥲芒果甜品個冰底無味，得個甜字，非常極度求其。窩夫超大陣梳打粉味，食完個口10分鐘仲有，好難頂！！