茶寮 京都仁王門

营业中

休息中

【荃湾区】【茶寮 京都仁王门】我都知我好耐冇同大家一齐探讨荃湾区嘅餐厅，只怪我开咗太多头出嚟，又呢样系列，𠮶样系列。最后都系做得唔好，无疾而终，可以话系虎头蛇尾界 KOL。而前日试行一日两个 post 玩法，但系导致 like 数严重失衡。有时想某类读者睇 post 之余 like 埋都难，自己都明嘅，我自己 private account 都好少去 like 嘢，因为我都几怕啲 sales 或者咸湿广告成日 send 啲 follow request 嚟，又要花时间揿走佢，所以我系明白同体谅嘅。不过要多啲人睇到而 like 又唔系完全冇办法，只要啲食物个样够吸引，排版排到靓一靓咁，一样会有个好少少嘅效果。就好似我嚟到海之恋商场嘅呢间日式餐厅，走文青风咁，就算我直属上司唔睇，女同事都有机会路过睇吓。我饿，整个「28辛京都咖喱蛋包定食」系列嘅「辛京都风咖喱极上汉堡扒蛋包定食」啦，$118，正常水准，好食过唔少女仆 cafe，但用餐厅水准就只属 okay。蛋都算滑，咖喱都可以，系啲饭同旧肉最一般，甚至有少少失望。跟餐附送嘅「面豉汤」同冻「日本茶」发挥到正常水准，冇甩漏陀衰家咁。食完想补个甜