影片
更多
2023-05-05
170 浏览
【荃湾区】【铭阳车仔面】大家都知我呢排状态麻麻，我亦都唔想自己嘅唔开心会影响到其他人，所以都系静静哋同荃湾嘅「酒局 Beerapy」买啲啤酒饮吓就算，之前都介绍过佢哋，无谓骑劫埋呢个 post 喇。买完酒，揾啲嘢食吓就去咗路德围呢边。呢头同廿几年前当然大不相同，不过有个共通点就系夜晚都系好多人。以前万亚玩具仲喺度𠮶时，啲枱櫈会铺到满晒，条路系行唔到嘅。而家只系人多，主力都系排豆腐花、手摇杯同埋日式手卷，连十八座狗仔粉都有人龙你就知旺舖点解咁贵租。咁呢头嘅康乐茶冰厅我就已经食过，亦都冇兴趣写争鲜。之前受邀请去帮佢写过嘢嘅泰谷，之后都已经结业，比较可惜。咁我究竟食乜好呢？之前成日见佢揾个人栋喺度举牌嘅𠮶间车仔面，今日冇人栋喺度，咁就去睇吓佢发生咩事啦。骤眼睇见到呢间铭阳车仔面都几多人围喺度等外卖，但其实堂食嘅位都系有嘅，仲有一个位，咁我就入去坐啦。其实想试佢好耐系因为见佢一直都愿意请个智力未必完全正常嘅人举牌，都叫帮到唔同界别人士融入社会，诚然系善意之举嚟。我发觉佢都几多选择，但系有啲帮你拣好晒嘅组合真系帮到选择困难症嘅重症患者，例如我。咁我就叫一个「金牌什锦六𩠌面」，选择咗「猪脷、蟹柳、
呢头同廿几年前当然大不相同，不过有个共通点就系夜晚都系好多人。以前万亚玩具仲喺度𠮶时，啲枱櫈会铺到满晒，条路系行唔到嘅。而家只系人多，主力都系排豆腐花、手摇杯同埋日式手卷，连十八座狗仔粉都有人龙你就知旺舖点解咁贵租。
咁呢头嘅康乐茶冰厅我就已经食过，亦都冇兴趣写争鲜。之前受邀请去帮佢写过嘢嘅泰谷，之后都已经结业，比较可惜。咁我究竟食乜好呢？之前成日见佢揾个人栋喺度举牌嘅𠮶间车仔面，今日冇人栋喺度，咁就去睇吓佢发生咩事啦。
骤眼睇见到呢间铭阳车仔面都几多人围喺度等外卖，但其实堂食嘅位都系有嘅，仲有一个位，咁我就入去坐啦。其实想试佢好耐系因为见佢一直都愿意请个智力未必完全正常嘅人举牌，都叫帮到唔同界别人士融入社会，诚然系善意之举嚟。
我发觉佢都几多选择，但系有啲帮你拣好晒嘅组合真系帮到选择困难症嘅重症患者，例如我。咁我就叫一个「金牌什锦六𩠌面」，选择咗「猪脷、蟹柳、白菜饺、冬菇、鱼片头、芽菜」做𩠌，配「招牌鲜切面」做面底，加「炸蒜、沙嗲酱」。
味道上，碗面就真系好鬼「嗱渣」，不过炸蒜同沙嗲酱捞埋落去之后，又好有打边炉 feel，乜都有嘅感觉真系几唔错。虽然兜嘢真系冇一样嘢系突出嘅，不过我都觉得算系咁，起码多重口味先。而碗嘢我都好快清晒，起码证实到佢唔算难食先。
嘢饮我拣咗冻「麦草蜂蜜」，个麦草味真系有啲奇怪，好彩蜂蜜顶到吓，都算完成到。埋单 $62 就唔算平，不过充吓饥我觉得 okay 嘅。最后提醒返，我唔太想将「铭阳」同「智障人士」扣埋一齐，应该鼓励多啲企业一齐建立多元社会就真。。。
（地址：荃湾路德围荃兴径17号C舖）
#1amfoodie #foodie #hkfoodie #thatfoodiething #hkfood #food #1ambackup #1am0510 #foodies #tasty #globaleats #followforfollowback #love #eat #1am荃湾区 #荃湾 #铭阳车仔面 #路德围 #车仔面 #台式饮品 #金牌什锦六𩠌面 #招牌鲜切面 #麦草蜂蜜 #猪脷 #蟹柳 #白菜饺 #冬菇 #鱼片头 #芽菜 #黄店
6 浏览
0 赞好
0 留言
张贴
