銘陽車仔麵

营业中

休息中

員工態度OK，唔錯，不過餐廳處理方法就有待改善。話說我叫咗份豬扒、雞扒雙拼小食，點知一食，個豬扒酸嘅，我仲問嘅員工，跟著她哋就拎入廚房拎走啲豬扒然後加返雞扒（仲要用返同一隻碟）俾我之後話，計我單拼就算，我有一刻o咗嘴雖然冇乜expectation，不過係咪應該同我講聲唔好意思呢？所以唔會有下次..

朋友推薦嘅抵食嘅下午茶粉麵，所以試下😙🌈環境 一間小店，餐廳有特登設計幾個單人位比自己食飯嘅客人💁🏻‍♀️其他都係卡位🤓每張枱枱面都有寫住「每位最低消費$30」入到餐廳，我坐嗰張枱地下有啲油油地🛢️😹枱嘅櫃桶有自助餐具🥢，牙籤，白糖等等🥣食物🥟瑞士豬軟骨魚皮餃麵 ($38) 我點咗腩汁加炸蒜🧄腩汁唔算特別濃，但都OK瑞士豬軟骨一共有5嚿，色澤唔錯👍🏼🤎夠入味不過痴住係瘦嘅肉🥺比較乾同柴，唔係入口即化嗰種🤔對佢有少少失望🥺另外，魚皮餃只有2粒不過下午茶嚟講又好似make sense🤌🏼 👄飲品 🧋芋香珍珠 - 跟下午茶餐 ($8)正常用粉沖嘅芋頭奶，珍珠就係新煮同舊煮嘅混合埋一齊第一啖飲落去，要咬得郁佢哋真係要啲牙力😹飲到後嚟，又飲到有彈性嘅珍珠🤲🏼但都仲係有幾粒好硬…🙋🏻‍♀️服務 店員好有回應，要杯熱水🫖會即刻叫水吧攞，唔會話等陣先比錢時有啲阻濟，佢都會有耐性咁協助👍🏼💓✨推薦分數 : 6 / 10

新年想去路德圍篤串魚蛋食，點知幫襯開嘅都冇開，機緣巧合就入左哩間車仔麵店。嗌左個自選5餸車仔麵加野飲（蘿蔔/ 韭菜/ 豬腸 / 韭菜餃/ 金沙骨），蘿蔔太大舊唔入味 / 豬腸太瘦，難食 / 韭菜同韭菜餃都算正常。侍應送碗麵上黎嘅時候同我講爭個金沙骨（我都明白炸野要等耐啲），好啦食完晒成個麵個金沙骨都未上，我就問吓佢地做緊未，之後個侍應冇答我然後擰轉身行去廚房問，一陣之後就拎左碟金沙骨出黎，仲話唔知係我嘅。即係碟野其實做好左但一直冇送黎，講到好似我有問題咁。其實果陣仲有個野飲未到咁我就順手追埋，點知個侍應話點解唔一次過追，搞到佢要行多幾步。老實說，我乾哽晒成個麵依臨尾先有野飲又真係幾委屈你地要行多轉喎。下次洗唔洗我入埋廚房淥自己個麵，出埋杯野飲比自己？跟餐收得我10蚊罐可樂我就期望佢有基本嘅服務啦，與其受佢氣不如食完自己過隔離7仔買好過，仲要平啲。好啦講返個金沙骨，好咸結論係如果想生腎石同時又有被虐傾向嘅人，哩間係一間唔錯嘅餐廳

朋友帶我嚟銘陽車仔麵近來要減肥，所以注重低碳飲食，呢度有一個好處，就係可以唔需要有麵底，點淨餸都可以，我同朋友都掂咗淨四餸，但其實呢度嘅手工麵都好好食👍特別要讚蘿蔔非常入味，牛筋亦都好好咬口，個湯底飲完一啲都唔口渴朋友嘅杏霜夠濃，而我杯朱古力珍珠好滑，甜度適中，正👍呢度仲有好多套餐選擇，要嚟多幾次試吓

一路都知哩間車仔麵存在, 因為路德圍實在太多競爭就一路忽略咗, 但試過一試次就變左常客了。入面小店格局, 坐位僻窄, 一個人食通常要搭枱, 餐廳主打啲餸係自家製, 自己食過幾款都幾唔錯甜酸齋食麵會分開上, 酸甜口感無出面咁酸, 面筋煮得剛好, 唔會太腍或太硬未熟透瑞士雞翼 新鮮煮起的雞翼, 肉質仍然保持但炆得入味豬紅無腥味, 挺身又帶點滑牛筋炆得好腍好入味蘿白清甜無渣魚蛋, 魚皮餃, 等食材都正正常常, 飲品就不過不失普通D, 價錢絕對對得住味道, 適合日常食

叫咗個$55套餐，包6樣餸的一碗麵（6餸配搭餐廳已一早選好，只是從6款配搭中揀邊一款）+一杯飲品。餸雖然俾得多，但個麵真係「油麻地」（麻麻地）🍜，叫的是紅薯粉，但個粉味未索，就出餐，完全冇味。但佢個餸尤其雞尖，又真係勁好食😋，滷水醃製很好。餐廳叫套餐，會送特飲🥛，（最初也是衝着手搖😂），款色挺多，如水蜜桃冰茶、百香果冰茶、苿香奶茶等。最終選擇了珍珠奶茶🧋，太甜，下次一定會叫少甜😂，珍珠有口感。

環境唔算窄，不過有陣異味時不時飄出嚟。。。都唔算強，所以都冇理太多好多唔同組合嘅餐/定食，或者自己揀材料魚蛋、豬皮、豬紅呢個係老豆話食車仔麵嘅傳統，咁先係食緊車仔麵喎。。。我嘅係牛4寶？（$55）我唔記得咗 有牛丸、金錢肚、牛筋、牛腩同白蘿蔔。白蘿蔔清甜冇渣牛筋好軟滑金錢肚太淋，留返少少爽口質感更好牛丸正常牛腩一般跟杯水蜜桃紅茶，唔洗加錢

噚日(11-8-2024 Sun)晏晝，同老公去寄賣舊衫前食晏，又唔知食乜好，行嚟呢頭睇，台蔡滷肉又要等位，唔等啦，於是喺呢頭睇，十八座狗仔粉？老公話睇環境應該會好熱，重要食熱嘢，咪攪。行吓行吓，不如呢間啦，搬咗嚟都未幫趁過。入到去，店員叫我哋坐嗰張枱，冷氣開得好大，我哋睇完menu剔餸，要咗：2. 跟餐價$10.00嘅熱檸水擺到最後至飲，正常冇問題。3分4. 跟餐價$13.00嘅薄荷冰其實老公要冬瓜冰，但落單時話冇，係得呢個冇。嚟到，成杯嘢好綠，我驚難飲，但又唔係，可能糖漿落得夠，不過薄荷味唔多飲到，但老公話飲到冰涼。2.5分3. 好耐，老公嘅麵到嚟，佢要嘅係紫菜，木耳餃，沙薑豬肚，牛丸紅薯粉要沙爹湯，盛惠$56.00。佢俾咗木耳餃同沙薑豬肚我食，呢兩樣口感正常冇問題。3分當我搵吓老公重有咩食時，發覺有貢丸，乜佢有剔貢太咩？佢話食牛太𠺝，於是問店員呢粒係咩嚟，佢答牛丸。老公照食，話係貢丸喎。個店員至話加返俾佢，我睇價錢係一樣，老公話咁唔使喇，算啦。1. 炸支竹，沙薑豬脷紅薯粉，要清湯共$33.00餸嘅份量夠，炸支竹夠腍，沙薑豬脷同紅薯粉口感正常，但啖湯有啲怪。3分不過有沙薑醬嘅餸係咪

話說中午叫左個香茅豬扒加墨魚餅米線，一上黎就發現比錯左餐肉而吾系墨魚餅，就叫侍應更正返。侍應還未收走我碗面時朋友分享左一塊蘿蔔俾我，侍應拎走我碗面時連我塊蘿蔔都幫我夾走埋，甘我就同侍應講我塊蘿蔔都吾見左既。佢既然答我話我叫個餐無蘿蔔所以幫我夾走左，佢之後都有補返塊蘿蔔給我，但態度勁差直接將塊蘿蔔倒入我碗面到。再食食下發現系比左雞扒而不是豬扒，因初初見個外形以為系豬扒就無為意就繼續食，同埋都食得7788費事再同佢講。到埋單走時，就諗住順便話聲比佢知原來豬扒都比錯，落單個侍應既然話返我轉頭話我吾一次過同佢講錯左。佢落錯單仲怪責返我，貼錢買難受。米線又淋又難食

今日去完荃灣做嘢想食個快飯先返屋企😝見附近嘅選擇唔多😅一係就冇乜位可以坐，一係就勁多人😞點知見到呢間門面唔太吸引嘅車仔麵檔🫣熱情嘅阿姐離遠見到我哋已經招哂手😂😂😂未入去已經搵定位比我地坐咁滯🫢見盛情難卻就入去試吓，好彩朋友話佢之前食過都OK😆🍜招牌六餸車仔麵 H（$55）呢個應該算係招牌菜，雞翼、豬紅、豬大腸、咖喱魚蛋、紅腸、時菜😗唔洗諗食咩，乜都有齊🤣湯底加咗炸蒜同埋腩汁，好惹味😋滷水豬大腸好出色，賣相吸引仲滷得好入味，咖喱魚蛋同豬紅都唔錯，五十幾蚊六個餸，跟餐仲有埋嘢飲，都幾抵食😂

油面本身係一種好難整得難食既食材，但呢間車仔面可以令油面難食到食兩啖停左手係技驚四座！菜心可以一口都係渣，牛腩陣味係縮既，韮菜餃塊皮好似腐爛咁！此面只應地獄有！我敢講我再肚餓再無野食都好，我此生不再光顧

可能我無為意佢係「台式」餐廳。車仔麵唔得，用索湯米唔係掛湯米已出事。豬皮唔知太多醋定點，有啲似豬腳薑味。杯檸茶台茶黎沖。總之你想食港式就唔好揀呢間。唔係個回事。

我叫咗魷魚，豬軟骨兩個餸+米線，兩個都好入味，好好食，湯底都唔錯，啲汁撈埋湯令米線更加掛湯，每一啖都好好味，令人唔想停。價錢方面，唔算貴，份量都夠，性價比唔錯，可以再食！

今日路經諗住入去試下，坐低睇見張点餐紙就覺得好複雜，想問下啲服務員，辦忙不理你，久久不想來回應，真想馬上走，態度非常差，今時今日咁唔想留客就咪鬼做啦！？🤨不會再去！

去咗路德圍打算買個飽肚宵夜，見到有左車仔麵去到夜晚11點幾都仲滿座，見到有人排隊等緊外賣，決定試一試叫咗個蘿蔔牛三寶飯，連一杯珍珠奶茶買單都係$57，當中有兩蚊外賣費用。食完全部嘢之後，覺得全部都正正常常，冇話特別好或者特別差，不過真係好平同埋份量都充足餐廳名稱：銘陽車仔麵餐廳地址：荃灣路德圍40號地舖#銘陽車仔麵 #晚餐#高性價比抵食之選#安東尼日記 #安東尼美食日記 #美食博客#香港 #香港美食 #香港美食之旅 #香港好去處 #新界 #新界美食 #新界美食之旅 #新界好去處#荃灣 #荃灣美食 #荃灣美食之旅 #荃灣好去處