2派克雞排

营业中

休息中

【荃湾区】【2派克鸡排】喺路德围想买啲嘢上朋友屋企食，见到呢间炸鸡店 keep 住有人排，就试吓佢。不过由于要同朋友分享，所以都唔系即时进食。然而，沿路拎住袋炸物去佢屋企𠮶阵，已经闻到劲香，我相信附近啲人都一定闻到。一去到，就急不及待将佢哋「就地正法」喇。首先试 $40 嘅「脆皮无骨鸡排」，系佢哋嘅招牌菜，我拣咗海苔同梅子两只味，前者香浓，后者解腻，同炸鸡扒都几夹，同埋啲鸡本身都好香好滑，几推荐嘅。再试 $12 嘅「金菇酥」，拣咗芥末同椒盐味，咸香味加上少少辣味，配以炸金针菇，几特别嘅。之后试 $24 嘅「脆脆鸡皮」，要咗芝士同香辣味，爆脆得嚟味道又好，送酒一流。而 $16 嘅「脆皮鸡全翼」炸得几透，肉质肥美。到 $24 嘅「脆皮百页豆腐」，反而感觉清啲，口感似鱼腐。最后试 $10 嘅「QQ Oreo」，炸 Oreo 几得意，一啲都唔怪，几好味。食咗咁多嘢，埋单 $126，可以嘅。尤其系当我哋平时食开嘅炸鸡，来来去去都系𠮶几款，今次呢一间可以话系一个唔错嘅选择。佢哋坚持即叫即做，所以每一件都系「啱啱炸起」，同炸定先嘅系有分别。如果唔想等咁耐仲可以 WhatsApp 落单，节省时间㖞。。