影片
更多
2024-07-11
284 浏览
今日嚟到荃湾嘅一间日式料理店 @kokorohkg ，小编发现佢近排越开越多，好积极扩张，除咗荃湾，元朗新开嘅YohoMix都有一间分店。呢间餐厅主打嘅系日式捞面，强调自己同汤面沾面都有所唔同。咁小编今日就嚟试吓佢有几特别啦。➡️全部のせまぜそば正宗全料东京劳面 $109 （＋$20 大盛）呢个算系佢哋嘅招牌，有好多唔同嘅配料，包括紫菜、叉烧、鲣鱼粉、独门秘方调制肉燥等等。食用方法系将中间嘅生蛋黄笃穿，再利用佢同唔同嘅配料乳化成酱汁，然后捞埋。佢嘅酱汁非常之浓稠，每条边都沾到，唔会有唔平均问题。至于味道上系以蛋香味为主，再有少少嘅坚鱼粉同秘制肉燥嘅辣味。不过味道上会比较容易觉得腻，所以过程中都可以加黑椒同埋醋令佢嘅层次丰富啲。而小编都几推介，可以试吓加醋，整体感觉会平衡返啲。佢嘅面条系每日新鲜制造，系小编钟意食嘅粗面，而且烟韧弹牙，口感非常唔错。比较失望嘅系叉烧肉质唔算好腍，同时叉烧炙烧香味唔够突出。另外小编加咗大盛，觉得份量对男仔应该啱啱好，如果正常size应该细咗啲。不过捞面食完可以免费要碗白饭，捞埋啲汁佢，如果会咁食嘅朋友正常size应该都ok。（小编冇咁做）味道：7.5/10➡️ト
今日嚟到荃湾嘅一间日式料理店 @kokorohkg ，小编发现佢近排越开越多，好积极扩张，除咗荃湾，元朗新开嘅YohoMix都有一间分店。
呢间餐厅主打嘅系日式捞面，强调自己同汤面沾面都有所唔同。咁小编今日就嚟试吓佢有几特别啦。
➡️全部のせまぜそば
正宗全料东京劳面 $109 （＋$20 大盛）
呢个算系佢哋嘅招牌，有好多唔同嘅配料，包括紫菜、叉烧、鲣鱼粉、独门秘方调制肉燥等等。食用方法系将中间嘅生蛋黄笃穿，再利用佢同唔同嘅配料乳化成酱汁，然后捞埋。佢嘅酱汁非常之浓稠，每条边都沾到，唔会有唔平均问题。至于味道上系以蛋香味为主，再有少少嘅坚鱼粉同秘制肉燥嘅辣味。不过味道上会比较容易觉得腻，所以过程中都可以加黑椒同埋醋令佢嘅层次丰富啲。而小编都几推介，可以试吓加醋，整体感觉会平衡返啲。
佢嘅面条系每日新鲜制造，系小编钟意食嘅粗面，而且烟韧弹牙，口感非常唔错。比较失望嘅系叉烧肉质唔算好腍，同时叉烧炙烧香味唔够突出。
另外小编加咗大盛，觉得份量对男仔应该啱啱好，如果正常size应该细咗啲。不过捞面食完可以免费要碗白饭，捞埋啲汁佢，如果会咁食嘅朋友正常size应该都ok。（小编冇咁做）
味道：7.5/10
➡️トリュフ鸭醤油ラーメン
黑松露鸭胸酱油拉面 $109
呢款系荃湾店限定，卖相好吸引。汤底主要系酱油嘅清香味，不过黑松露味唔算好突出，另外加咗洋葱、京葱同埋大蒜，会再惹味啲。反而鸭胸几唔错，肥瘦适中同好嫩滑，但整体不是太有惊喜。
味道：7/10
➡️手羽メンタイ
明太子鸡翼 $36
一共两只，外皮整得几香口，入面酿咗明太子，但明太子嘅咸辣味唔算好突出，配埋蛋黄酱反而味道被抢咗。
味道：7/10
➡️乌龙茶 $28（8折）
呢个几有惊喜，够冻之余，茶香好突出，有微微回甘，食完拉面饮好鬼正。
味道：7.8/10
环境：7.6/10
服务：6.7/10
抵食：6.8/10
（有收加一服务费）
麺屋こころ (荃湾)
荃湾大河道100号海之恋商场1楼1005号舖
#香港必食 #香港美食 #食评 #香港食评 #香港生活 #小红书 #hkig #hkfood #hkfoodie #hkeat #yuenlong #yuenlongfood #元朗 #元朗美食 #荃湾 #荃湾美食 #tsuenwan #日本 #日本美食 #japan #japanesefood #ramen #拉面 #ラーメン #mazesob #kokoro #醤油ラーメン #まぜそば #tokyo #东京
张贴
