影片
更多
2024-07-17
186 浏览
小编今日嚟到荃湾，听讲有一间鸡汤面店有一蚊鲍鱼食，贪小便宜嘅小编，当然唔会错过！➡️ 砂锅醉药鸡$68热辣辣嘅砂煲，上枱嘅时候仲滚紧。一饮落去已经饮到好浓嘅鸡味同酒香味，味道好浓郁，余韵带甜，配埋米线食啱啱好。另外仲有其他配料：云耳、红枣等，感觉上好滋阴。鸡件几有惊喜，除咗系髀位，肉质都唔错。唔老唔嚡不在话下，仲有啲弹性。小编食过咁多间鸡汤米，呢间算认真唔错。味道：8.5/10➡️ 砂锅人参鸡$68一样用砂锅上，汤够晒滚。眼睇材料比较少，但就系多咗啲人参。味道仍鸡味为主，之后会有微微嘅药膳人参嘅苦味。层次会多咗，感觉都养生咗。小编拣咗刀削面，面身比较薄，略嫌唔够烟韧弹牙。味道：8/10一蚊鲍 ＋$1贪小便宜嘅小编就系为呢个而嚟，一蚊其实都冇乜期望，佢质地唔硬唔韧，已经收货。送埋面一齐食，即刻觉得今餐丰富咗好多。味道：7.8/10溏心醉蛋 ＋$10呢个真系必叫，只蛋流晒心之余，酱汁亦都非常入味，蛋黄同酒香混埋一齐，非常好食。味道：8.2/10➡️ 醉乳鸽 $98估唔到店家都几有诚意，摆盘砌返只乳鸽出嚟。味道方面，小编一开始会觉得肉质好奇怪，因为小编食开烧乳鸽，肉质会有一定弹性。但呢个系非常之腍
小编今日嚟到荃湾，听讲有一间鸡汤面店有一蚊鲍鱼食，贪小便宜嘅小编，当然唔会错过！
➡️ 砂锅醉药鸡$68
热辣辣嘅砂煲，上枱嘅时候仲滚紧。一饮落去已经饮到好浓嘅鸡味同酒香味，味道好浓郁，余韵带甜，配埋米线食啱啱好。另外仲有其他配料：云耳、红枣等，感觉上好滋阴。鸡件几有惊喜，除咗系髀位，肉质都唔错。唔老唔嚡不在话下，仲有啲弹性。小编食过咁多间鸡汤米，呢间算认真唔错。
味道：8.5/10
➡️ 砂锅人参鸡$68
一样用砂锅上，汤够晒滚。眼睇材料比较少，但就系多咗啲人参。味道仍鸡味为主，之后会有微微嘅药膳人参嘅苦味。层次会多咗，感觉都养生咗。小编拣咗刀削面，面身比较薄，略嫌唔够烟韧弹牙。
味道：8/10
一蚊鲍 ＋$1
贪小便宜嘅小编就系为呢个而嚟，一蚊其实都冇乜期望，佢质地唔硬唔韧，已经收货。送埋面一齐食，即刻觉得今餐丰富咗好多。
味道：7.8/10
溏心醉蛋 ＋$10
呢个真系必叫，只蛋流晒心之余，酱汁亦都非常入味，蛋黄同酒香混埋一齐，非常好食。
味道：8.2/10
➡️ 醉乳鸽 $98
估唔到店家都几有诚意，摆盘砌返只乳鸽出嚟。味道方面，小编一开始会觉得肉质好奇怪，因为小编食开烧乳鸽，肉质会有一定弹性。但呢个系非常之腍，但食耐咗会慢慢习惯同欣赏。因为佢腍得嚟，可以令到啲汁可以渗入去啲肉到，令佢啖啖肉都系酒香同甜味。而且佢系冷盘，夏天食好清爽。
味道：7.9/10
➡️ 豆浆、乌龙茶各＋$8
环境：7.8/10
服务：7.8/10
抵食：8.3/10
醉药鸡 (启志楼) (荃湾)
荃湾路德围8号启志楼地舖
#香港必食 #香港美食 #食评 #香港食评 #香港生活 #小红书 #hkig #hkfood #hkfoodie #hkeat #tsuenwan #tsuenwanfood #荃湾 #荃湾美食 #好汤好水 #鸡汤 #街坊小店 #醉鸡 #米线 #粉面 #人参鸡 #chickenbroth #noodle #ricenoodle #drunkenchicken #alchohol
张贴
