影片
更多
2024-06-28
356 浏览
【葵青区】【辉记粥品】呢排我放大假，不过身体唔算好健康，所以都唔会走去点接 job 去为自己徒添压力。冇乜嘢做嘅情况就走咗去葵芳揾家严食饭，我作为一个曾经嘅十八区 foodie，就同佢约略介绍咗呢边嘅饮食形势。然而，葵广同新都会广场嘅食肆都提唔起佢嘅兴趣。大家都冇乜胃口之下就去咗球场𠮶边食粥，因为见到呢间粥舖好似几企理，而粥呢一样食物有配合到冇乜胃口嘅我哋，再加上佢未闩门，符合晒咁多个条件真系唔食佢唔得。佢就食传统即熟粥品 $25 嘅「荔湾艇仔粥」，佢话正正常常，呢个价钱算几好。我就食 $40 嘅砂锅生滚粥「鱼腩滑牛粥」，仲加 $5 放埋「咸蛋」，算系咁啦。佢叫埋 $18 嘅「炸两」，食落只能够讲系可以。我作为饮品怪，就叫咗 $18 嘅「自家制枝装豆浆」，大大枝，味道正常。埋单 $106，我觉得冇乜胃口填吓肚嚟讲就正常咁啰，冇特别。。。（地址：葵芳礼芳街21号地舖）
大家都冇乜胃口之下就去咗球场𠮶边食粥，因为见到呢间粥舖好似几企理，而粥呢一样食物有配合到冇乜胃口嘅我哋，再加上佢未闩门，符合晒咁多个条件真系唔食佢唔得。佢就食传统即熟粥品 $25 嘅「荔湾艇仔粥」，佢话正正常常，呢个价钱算几好。
我就食 $40 嘅砂锅生滚粥「鱼腩滑牛粥」，仲加 $5 放埋「咸蛋」，算系咁啦。佢叫埋 $18 嘅「炸两」，食落只能够讲系可以。我作为饮品怪，就叫咗 $18 嘅「自家制枝装豆浆」，大大枝，味道正常。埋单 $106，我觉得冇乜胃口填吓肚嚟讲就正常咁啰，冇特别。。。
（地址：葵芳礼芳街21号地舖）
张贴
