影片
更多
2023-09-18
199 浏览
【西贡区】【翠华餐厅】一段时间冇写西贡区，呢啲系十八区 foodie 时期狂 chur 自己嘅过程，而家已经 chur 另一啲嘢。话说我走入嚟将军澳系因为去将军澳运动场睇「中银人寿香港超级联赛2023」嘅赛事，最后主场嘅理文以四比一击败杰志。睇完波行到过嚟尚德呢边，见到翠华餐厅都心大心细好唔好入嚟食吓。首先因为好似好普通，之但系市区嘅分店好似执吓一间又一间，都好似真系冇乜喇㖞。始终都叫盛极一时，趁呢个机会，反正摆喺眼前，不如就食返次啦。叫咗个 $63 嘅「常餐」，佢得一款嘅啫，就系「生炸猪扒面」。呢个面就真系十年如一日，都系咁难食，我就唔信佢有生炸过块猪扒，畀尽咪大力啲煎几吓咁。个「太阳双蛋」系可以嘅，不过「牛油猪仔」就唔多掂，仲要唔脆。饮品我拣「热奶茶」，比以前淡口咗少少，可能系我条脷浓咗，唔难饮就得，几好嘅。但系我想叫啲蛋挞呀，菠萝油呀嚟食吓就唔得喇，原来佢哋师傅下午收咗工，乜都冇喇㖞。一心想入嚟食啲包点嘅我，决定 $63 止蚀离场喇。。。（地址：将军澳唐明街2号尚德商场地下1及2号舖）
睇完波行到过嚟尚德呢边，见到翠华餐厅都心大心细好唔好入嚟食吓。首先因为好似好普通，之但系市区嘅分店好似执吓一间又一间，都好似真系冇乜喇㖞。始终都叫盛极一时，趁呢个机会，反正摆喺眼前，不如就食返次啦。
叫咗个 $63 嘅「常餐」，佢得一款嘅啫，就系「生炸猪扒面」。呢个面就真系十年如一日，都系咁难食，我就唔信佢有生炸过块猪扒，畀尽咪大力啲煎几吓咁。个「太阳双蛋」系可以嘅，不过「牛油猪仔」就唔多掂，仲要唔脆。
饮品我拣「热奶茶」，比以前淡口咗少少，可能系我条脷浓咗，唔难饮就得，几好嘅。但系我想叫啲蛋挞呀，菠萝油呀嚟食吓就唔得喇，原来佢哋师傅下午收咗工，乜都冇喇㖞。一心想入嚟食啲包点嘅我，决定 $63 止蚀离场喇。。。
（地址：将军澳唐明街2号尚德商场地下1及2号舖）
张贴
