影片
更多
2025-02-03
22 浏览
【西贡区】【誉居】入咗去康城揾凉凉，顺便食埋嘢。跟住落嚟要思考嘅就系康城究竟有咩食，之前入嚟参观𠮶阵食过佢哋一间日本嘢，冇乜感觉。凉凉就话呢间「誉居」可以，之前其实沙田第一城都有，不过我未食过，就食吓啦。入场就要畀 $10 位嘅「茗茶」，梗㗎喇。我好似叫咗寿眉，不过都冇乜感觉。嘢食就先嚟 $30 嘅「蜂巢芋角」，出面都比较少有，佢整得都唔差。之后到 $40 嘅「鲜菇鱼肚炆鸡」，味道平庸，冇特别之处。跟住𠮶笼 $40 嘅「鲜虾烧卖皇」算系好食嘅，只系好多地方都做到呢个好食程度，唔算突出。我几期待 $28 嘅「蚝皇鲜竹卷」，本身就系钟意食呢啲肥仔嘢，但系佢个馅唔算好食，真系好一般。追加咗 $34 嘅「上海小笼包」，层皮比较厚，都冇得要求太多，系咁上下味道。埋单加埋一 $200，又唔算劲过份嘅，凉凉话佢哋其他嘢好食过点心啰。。。（地址：将军澳康城路1号The LOHAS康城2楼203号舖）
我好似叫咗寿眉，不过都冇乜感觉。嘢食就先嚟 $30 嘅「蜂巢芋角」，出面都比较少有，佢整得都唔差。之后到 $40 嘅「鲜菇鱼肚炆鸡」，味道平庸，冇特别之处。跟住𠮶笼 $40 嘅「鲜虾烧卖皇」算系好食嘅，只系好多地方都做到呢个好食程度，唔算突出。
我几期待 $28 嘅「蚝皇鲜竹卷」，本身就系钟意食呢啲肥仔嘢，但系佢个馅唔算好食，真系好一般。追加咗 $34 嘅「上海小笼包」，层皮比较厚，都冇得要求太多，系咁上下味道。埋单加埋一 $200，又唔算劲过份嘅，凉凉话佢哋其他嘢好食过点心啰。。。
（地址：将军澳康城路1号The LOHAS康城2楼203号舖）
张贴
