金記冰室 (都會駅) (已結業)

【西贡区】【金记冰室】我间唔时都会过嚟调景岭呢边做嘢，大家都知道我去到边食到边，而且呢度系以十八区 foodie 为主嘅生活杂志，因此难得喺西贡区，点都想食吓佢哋嘅餐厅。然而，心水清嘅读者可能会见到我成日都喺调景岭食，呢点我尽改。不过喺冇乜选择嘅情况之下，我今次都系食一间连锁茶餐厅，之前喺会展做嘢𠮶时已经食过一次湾仔分店。希望大家体谅，因为𠮶头嘅食肆，要食嘅好似都食过晒，剩返低嘅一系就系啲大型集团连锁店，一系就唔适合一个人食。我记得上次我食金记系食佢啲午餐，所以今次食「金牌经典」，即系啲类似常餐咁嘅套餐。我叫咗个 $58 嘅，主食系「招牌鲜牛肉米粉」，都几好食，清清哋咁。我将配菜「西煎双蛋」改做「炒蛋」，加埋「牛油多士」，都唔错。由于呢间系用 QR Code 落单，所以有啲咩要求都唔会唔好意思开口。呢一点除咗转炒蛋之外，亦都彰显咗喺杯嘢饮度，我叫咗「荷兰谷咕」转「炼奶(少甜)浓D」，我想讲咁配搭系劲好饮，大家可以一战。埋单就系 $58，唔贵嘅。。。（地址：将军澳调景岭景岭路8号都会駅2楼R03 & 027号舖）呢间餐厅我写过其他分店嘅用餐体验以及食物，如果想睇，可以打以下 hashta