WM咖啡廳

带大家入西贡食一个「蟹」主题嘅自助餐。秋天最啱就系食蟹，WM咖啡厅就推出咗「蟹逅秋意自助晚餐」，以蟹用唔同既烹煮方式煮出菜式。冻海鲜选择都唔少，有即开生蚝，每人每次可以拎两只，长期都大排人龙，其他款式仲有松叶蟹脚、面包蟹、海螺等等。讲番蟹主题嘅菜式，每人会有一份焗酿蟹盖，蟹肉馅料系满晒；最深刻嘅一定系蟹粉流沙天使面，真系超夸张，一羹羹嘅蟹膏、蟹黄、蟹肉加落去即时煮，超杰身好浓蟹香味。刺身、寿司表现正正常常，肉类方面同埋一啲热盘几唔错。甜品区最吸引嘅一定系呢个D24榴梿蛋糕，自助餐一开始唔够10秒钟就俾人拎咗一半，当然唔少得Häagen-Dazs雪糕任食，仲有多款唔同嘅中西甜品。