B哥車仔麵 (已結業)

放晏时间呢边特别多人，呢间系新开嘅车仔面，趁未系好多人，快啲试头啖汤先。间铺比较隐蔽，系板上个位转入去。有高枱坐，初初以为会唔舒服，又ok㖞。好耐无食车仔面，咩都想食。除左面底，仲有小食可以拣，啱哂。朋友个碗超满，我地都叫左4𩠌。朋友唔记得圈走辣，预设左个底系有小小辣，不过佢食得到。菜好新鲜，而且好多。炸墨丸腐皮有惊喜，好满满，而且味道不错。绝对要推介嘅系猪红，好滑，完全唔「鞋」。呢边第二碗都有，萝卜系已经超级入味，咬落去啲水已经涌哂出黎。朋友话个猪皮又系好好味，够哂味道。我个碗我自己好钟意，辣腩仔肉系好好味，辣味刚好，肥瘦刚好，肉味出得黎，辣味唔会抢，反而开胃左。墨丸大大粒，非常足料。我自己好喜欢粗面，挂汤唔错。厨房好细心，有啲𩠌分开上，呢个系甜酸斋，质地同我地平时食嘅唔同，好似油炸鬼咁，但硬啲厚啲，味道系一样。鸡翼要介绍下，首先系脆口，热上，咬落无几耐，淡淡嘅香茅就飘出黎，但你系见唔到有粉定茅，唔会太浓，几好。饮品我地都点咗特饮，跟餐加14元，有青檬梳打、咸七，我个人好喜欢我自己点嘅奶茶红豆，奶茶本身系我至爱，红豆够哂沙，呢杯就值得。车面坐得舒服嘅通常好少，呢间有惊喜。