好願璟美食坊

营业中

休息中

【观塘区】【好愿璟美食坊】之前同道歉哥睇黄凯芹演唱会，咁就喺九展度睇嘅，嗱，唔系我哋殡咗个九展，而系九展本身已经话要拆，我哋先去嘅啫，唔关我哋事嘅，搅返清楚件事先。咁睇 show 之前我哋食咗「板上」，睇完之后都一样系要揾嘢食嘅。行到九龙湾工商业区，可能呢头嘅餐厅都系主力做午市，所以咁嘅钟数嘅选择已经唔多。见到有间咁嘅大排档形式小炒，都入去食食佢。餐厅风格问题，我哋一入去侍应系问我哋饮乜而唔系食乜，好有趣，不过我哋唔饮酒。所以用 $80 叫咗两个「椰青」嚟饮，好有趣，好明显系掠水之作，不过一次半次由佢啦。食物方面我哋叫咗 $168 嘅半只「砂锅云吞鸡」，都系普普通通，只系正常地唔差嘅水准。始终唔系上海菜馆，冇可能要求得太高嘅。跟住有 $80 嘅「金砖黑白豆腐」，有埋黑芝麻系令件事丰富咗。而 $60 嘅「干炒牛河」就正常冇特别，不过我哋分别再叫都系 $15 嘅「七喜」同「可乐」嚟饮先够解渴。两条友夹埋食咗 $418，系𠮶两个椰青最唔抵啰，哈哈。。。（地址：九龙湾宏照道23号荣发工业大厦地下）#1amfoodie #foodie #hkfoodie #thatfoodiething #hk