朋友冰室

营业中

休息中

【观塘区】【朋友冰室】今次想讲呢间嘢系喺观塘海滨道，喺九龙湾站或者牛头角站行过去都系唔近嘅，认真有趣。不过呢，我又唔系因为工作而经过㖞，我系真系特登山长水远走去呢个位就净系为咗食呢间餐厅架㖞，可以话系「慕名而来」，我并不否认呢一点嘅。咁呢间嘢又做咗啲乜嘢咁大镬又或者咩事出名到我要特登嘥时间走入去食呢？事缘系有一次活动，同一位对饮食好有要求嘅朋友交流饮食心得。过程中讲咗啲中伏经历，其中呢间最搞笑，个黑椒炒意粉变咗白烚意粉加黑椒，朋友讲得非常生动。有见及此，我喺返工之前都特登走入去呢个咁隔涉嘅位食嘢。不过因为我曾经有两三年时间喺牛头角呢个美食沙漠返工，所以趁机喺附近缅怀吓过去。当年翠华大楼开翠华餐厅，又豪华又轰动，不过当年嫌佢贵所以冇食过，而家已成废墟。终于行到呢间朋友冰室门口，见佢门口有个小心地滑牌，几惊佢已经过咗 last order，不过我出得 post 嘅，就当然系已经入咗去食嘢啦。可惜嘅系，我最想试嘅黑椒炒意粉，阿姐居然话冇，我即刻就好晴天霹雳，人生顿时失去希望咁嘅样。马死落地行，一场嚟到咯，都食啲嘢啦，呢间好歹都系一间冰室，咪叫个「冰室常餐」啰。主食可以拣两个𩠌嘅，我拣咗「自家