影片
更多
2023-06-15
765 浏览
【观塘区】【海悠】认识咗世一哥一段时间，一直都冇机会同佢单独食吓饭，就算系见面，可能都系喺啲女仆 cafe 之类嘅场所。咁喺𠮶啲场合之下其实唔止得我哋，仲会有啲研究女仆十几年但冇论文出过嘅研究员同相关人士，因此好难讲深入啲。我作为一个穷人就梗系好难去啲好高级嘅餐厅，但系我作为一个 foodie 又想食一啲唔平凡嘅嘢，咁可以点呢？我就选择咗网上有啲朋友介绍过嘅呢间餐厅，佢喺骏业熟食中心里面，但系餐厅系有冷气嘅，怕热嘅我都接受到。去到即刻叫佢哋嘅招牌菜，$68 嘅「红颜炸子鸡」半只，不过我系早一日打定去餐厅预约嘅，如果系即兴食嘅话就冇喇。咁大牌就试吓你咩水准，一咬，劲脆皮，啲鸡肉又唔会鞋唔会干，劲好食，配个白饭都劲快食晒呀。之后到 $58 嘅「秘制蟹皇酱海皇炒饭」，个酱唔会好腻，饭粒粒分明又有镬气，正。到$58 嘅「黑松露滑蛋炒虾仁饭」，世一哥一食就大叫「有料！」就知正，个蛋又香又滑。加埋 $5 可乐同 $10 红茶花传夹埋就 $199，呢个质素抵啦。。。（地址：观塘骏业街67号骏业熟食市场1楼52-53, 56号舖）
我作为一个穷人就梗系好难去啲好高级嘅餐厅，但系我作为一个 foodie 又想食一啲唔平凡嘅嘢，咁可以点呢？我就选择咗网上有啲朋友介绍过嘅呢间餐厅，佢喺骏业熟食中心里面，但系餐厅系有冷气嘅，怕热嘅我都接受到。
去到即刻叫佢哋嘅招牌菜，$68 嘅「红颜炸子鸡」半只，不过我系早一日打定去餐厅预约嘅，如果系即兴食嘅话就冇喇。咁大牌就试吓你咩水准，一咬，劲脆皮，啲鸡肉又唔会鞋唔会干，劲好食，配个白饭都劲快食晒呀。
之后到 $58 嘅「秘制蟹皇酱海皇炒饭」，个酱唔会好腻，饭粒粒分明又有镬气，正。到$58 嘅「黑松露滑蛋炒虾仁饭」，世一哥一食就大叫「有料！」就知正，个蛋又香又滑。加埋 $5 可乐同 $10 红茶花传夹埋就 $199，呢个质素抵啦。。。
（地址：观塘骏业街67号骏业熟食市场1楼52-53, 56号舖）
张贴
