影片
更多
2023-10-17
44 浏览
果日食完楼下间中菜就已经留意到呢间餐厅，呢间餐厅系真心有惊喜，除食物质素外个场地都好正，有桌球有镖机有peer pong，食完饭都同男朋友玩左阵先走。我地直接叫咗个$702嘅二人餐，性价比感觉都唔错一共有4个courses而且仲另外配两杯mocktail，而且主菜本身都菜式高质，就试试佢。———————————————🌟挪威三文鱼他他呢个前菜真系一啲都唔hea，其实出面好多呢个价钱嘅前菜可能都系比个普通沙律，但呢度竟然可以食到一份他他，而且味道同卖相都高质。睇相可能觉得三文鱼好似好少，但其实份量比想像中多，牛油果蓉配三文鱼再加有少量红椒粒同三文鱼籽做配搭，味道真心高质，不过如果可以配多几块饼感觉会更好～.🌟美国安格斯牛仔骨配龙虾尾虽然系龙虾尾，但实际上个肉量都唔少，而且佢熟成度掌握得好好，龙虾肉咬落爽口弹牙。至于牛仔骨平时都比较少系西餐主菜出现，佢一共有两封大牛仔骨，牛味好浓而且肉质都算嫩，系到骨附近果啲位先比较需要牙力咬，感觉唔点汁都已经好好食！.🌟法国自然春鸡春鸡本身非常幼嫩，所以体型唔系好大只，但系肉质方面系真系好嫩滑，就连鸡胸位置都唔会比人感觉好“鞋“。调味上配本身有腌制再加有
果日食完楼下间中菜就已经留意到呢间餐厅，呢间餐厅系真心有惊喜，除食物质素外个场地都好正，有桌球有镖机有peer pong，食完饭都同男朋友玩左阵先走。我地直接叫咗个$702嘅二人餐，性价比感觉都唔错一共有4个courses而且仲另外配两杯mocktail，而且主菜本身都菜式高质，就试试佢。
———————————————
🌟挪威三文鱼他他
呢个前菜真系一啲都唔hea，其实出面好多呢个价钱嘅前菜可能都系比个普通沙律，但呢度竟然可以食到一份他他，而且味道同卖相都高质。睇相可能觉得三文鱼好似好少，但其实份量比想像中多，牛油果蓉配三文鱼再加有少量红椒粒同三文鱼籽做配搭，味道真心高质，不过如果可以配多几块饼感觉会更好～
.
🌟美国安格斯牛仔骨配龙虾尾
虽然系龙虾尾，但实际上个肉量都唔少，而且佢熟成度掌握得好好，龙虾肉咬落爽口弹牙。至于牛仔骨平时都比较少系西餐主菜出现，佢一共有两封大牛仔骨，牛味好浓而且肉质都算嫩，系到骨附近果啲位先比较需要牙力咬，感觉唔点汁都已经好好食！
.
🌟法国自然春鸡
春鸡本身非常幼嫩，所以体型唔系好大只，但系肉质方面系真系好嫩滑，就连鸡胸位置都唔会比人感觉好“鞋“。调味上配本身有腌制再加有香料烤焗，调味唔会太浓而且又好香口。
.
🌟焦糖朱古力奶
Mocktail果边店员话简唔到可以由佢地安排，我就直接放手等惊喜，先系嚟左呢杯朱古力奶，整体味道唔会太甜亦都唔会太浓，如果朱古力味再重少少会更好。
.
🌟荔枝苹果汁
至于另外呢杯系非常有惊喜，其实我都唔系好肯定佢叫咩名，不过入面系加有苹果、荔枝、蝶豆花同接骨木花，味道酸酸甜甜之余仲充满花香味，非常推荐，不过大家可能要讲清楚个口味佢地先再调到haha
.
🌟白桃朱古力蛋糕
蛋糕方面味道系ok，有香桃味同时唔会话好甜，不过感觉中间果层嘅口感落多咗少少鱼胶粉，如果可以变得creamy或者绵滑啲嘅口感我会更钟意～
.
🔸整体评价🔸
整体系满意嘅一餐，餐汤上面虽然冇提及，但系都系份量多之余用料十足，感觉性价比都好高。食完野仲掟咗阵镖先走。环境同气氛都唔错，好似仲有包场服务，大家如果有需要都可以同餐厅查询～
张贴
