大湯家 (已結業)

放工想系呢边买个饭，揾下揾下就见到呢间。之前食lunch 有经过，不过未有机会食，疫情下可以买下外卖食。晚市好抵，一个汤加10元就有饭或轻食。1.5米下，我去嘅铺头都好小心分开。全程拎到返屋企啲汤同饭都仲系热。木瓜猪肺排骨炖汤，55元，汤够哂浓，有料，煮得够淋。汤系清甜，而且无油，好饮。猪肺都入味。另外一个汤系花旗参乌鸡排骨炖汤，58元，配料够哂入味同淋，花旗参味都足，但又唔会太过份。加10元，肉饼饭，肉饼香，而且饭唔会话少。另外加10元系豉椒排骨饭，排骨够哂味，呢个味道令我谂起以前返学系大排档食蒸饭嘅日子，就系呢种味道。