IF Coffee and More (已結業)

系海滨道越黎越多餐厅都开咗，趁天气未系好热，行远小小食个饭先。呢间开左两个月，某一日行过见到落地玻璃几开扬，就黎试下啦。依家lunch set有两款，亦有多款咖啡可以拣。黑板变化多，想改就改长方形嘅铺位，一半已经被厨房估去，多啲位系吧枱或近窗一排，几个人嘅就门口或近厕所呢个位啦。北海道带子伴鳕鱼籽忌廉稻庭乌冬，78元，本身有杯味噌汤，另加钱有杯咖啡。个汁有啲过多，令到个乌冬有啲水，但系keep到温度嘅。味道朋友话唔错。天然蜂蜜烤鸡伴蕃茄意粉，个鸡系煎得唔错，而且鸡系滑，几juicy，不过真系细块左小小。意粉个汁有啲淡，蕃茄同芝士可以捞得均匀啲。最后再来一杯咖啡，呢杯咖啡真系好大杯。我都系肥威，味道尚可。食物份量就少左啲。不得不提餐厅有提供叉电位，呢个位要赞下。