壹玖陸零 (已結業)

【观塘区】【壹玖陆零】交代少少近况，除咗大家见到我又将 post 嘅文字内容缩短之外，就系出 post 唔再局限于十八区用餐体验。只不过最近真系忙到谂唔到有咩题材可以搬出嚟写吓，因此先拎住啲旧稿出嚟，照做住老本行先，畀啲时间我先得。嚟到观塘做嘢，唔知食乜好就自然谂到要向高空发展，见到呢间好似几好就去食吓。佢系食西餐嘅，不过大搅文青工业怀旧木系风格咁，都几吸睛。午餐餐牌有饭意粉𠮶啲，见到个特别贵嘅系牛扒嚟，咁好啦，就叫呢个啦。大拿拿 $148 嘅「美国 CAB 安格斯西冷牛扒伴薯菜」，块扒都可以，对得住个价钱有余，我唔记得我有冇拣生熟度，不过以我习惯同标准我会觉得佢有啲熟，味道上佢系唔差嘅。嘢饮我加 $18 要「Dirty」，呢杯只能讲系正常。佢呢度仲有甜品供应，我用多 $18 食埋佢哋嘅「白兔糖奶冻」，喺第二度未见过类似嘅产品，都几得意。味道上佢系有啲白兔糖味，不过都系倾向纯奶味多啲咁。咁样食咗 $184，其实有扒锯有甜品都好合理，冇咩好抱怨嘅。。。（地址：观塘成业街19-21号成业工业大厦1楼26号舖）#1amfoodie #foodie #hkfoodie #thatfoodiet