閩味千里香餛飩皇

营业中

休息中

【观塘区】【闽味千里香馄饨皇】去过几次观塘松记食糖水，每次都好想食佢隔离嘅呢间馄饨舖，但系每次都食唔成。的起心肝揾次我就真系特登走入去食佢，就净系为咗佢先入观塘嘅啫，咁就冇嘢阻得到我喇。入到去发现都几多人，下昼都要搭枱先有位。嚟到就梗系想食佢哋嘅馄饨而非粉面，不过都要睇有咩味。而最好嘅选择当然系全家福，有晒鲜肉、香菇鲜肉、韭菜鲜肉、玉米鲜肉、荠菜鲜肉呢几只味，啱晒我呢啲贪心鬼，只只味都可以食少少，加上又唔需要做选择，正呀。首先食 $33 嘅「全家福小馄饨」，有十五只，以上讲过啲味都有。而佢哋啲小馄饨都偏大只少少，但都做到一啖一只，味道上都几好，啖啖唔同味，爽。咁净系呢碗当然唔够，叫埋 $41 嘅八只「全家福大饺子」，确系唔细只。主要系佢个饺子皮都几实净，食落都有饱足感，唔同嘅味道又丰富咗味觉。我再食埋 $45 嘅「煎全家福鲜肉大饺子」八只，煎嘅就油腻啲不过别有风味，都几好食。饮埋 $8 嘅「冻豆浆」就 $127 埋单，好似我咁食法都几癫丧。。。（地址：观塘康宁道34号地舖）#1amfoodie #foodie #hkfoodie #thatfoodiething #hkfood #fo