壹心芝脆小食

营业中

休息中

记得石门京瑞广场多小店，本身想食「有间野食」嘅咸蛋黄花生酱薯条、雪糕菠萝包同黐线芝士黐住苹果芝士治，但无开🙈，所以转战呢间系正隔离嘅小食店，份量大CP值高，可以考虑encore👍🏻。🥐白汁碎蛋牛角包 $26白汁碎蛋味道甜甜地好好味～～感觉清爽无沙律酱果种油腻感；全部都系蛋白无蛋黄，咁就唔会吸晒口水令口腔干争争。外层碎蛋份量超多！可惜碎蛋塞得唔够深入，变左一开始就斋食料但到尾段要就住食😅。蜜汁拼盘A $45拼盘A共四款食物，包括鸡翼、墨丸、芝士肠及鸡肉肠，味道正正常常。细个好钟意系屋企自制蜜汁八爪鱼肠仔，回忆返晒黎😄。🐥盐酥鸡芝士捞丁 $35盐酥鸡唔错，外层粉唔厚，炸得够干身唔会油又够脆，内𥚃仲系keep住Juicy👍🏻；味道比较淡口，嫌唔够味可以自己额外加椒盐/孜然粉；以为芝士得好少，但原来都够捞晒全个面（记得趁热捞同食快d，唔系芝士好快凝住捞唔到面），不过芝士味略轻。