影片
更多
2023-08-25
205 浏览
上次食隔离果间烧肉已经留意到呢间生蚝餐厅，门口已经show咗好几款特色生蚝而且入面仲有好多种蚝菜式，今次终于同男朋友过嚟试！———————————————🌟岩手广田湾生蚝 $118生蚝好大只而且肉都好肥美，分几啖食都仲得，食落海水味比较重唔会感觉有腥味。.🌟北海道知内产生蚝 $88咬落去爽口而且蚝味较重，仲会有少少鲜甜感。.🌟北海道仙凤趾生蚝 $88呢种系味道相对奶香重同口感好creamy，放落口都有种牛奶张力嘅感觉，成个体验好特别。.🌟烧牛柳沙律 $158牛柳嘅选材真系唔话得，牛肉本身其实比较生但系一个肉质真系冇得顶，完全冇筋之余肉身好滑，而且佢个熟成度其实掌握得好好，切开嘅每一面都好粉嫩。虽然佢有另外提供盐调味，但真系完全唔洗加就已经可以食到好浓嘅牛肉味。.🌟明太子忌廉意大利面 $128平时食开嘅明太子系一粒粒嘅样，但今次呢度竟然仲系连同外层薄膜一齐提供，而且外层仲加有芝士烧过，放入口嘅味道辣辣地之余都充满芝士香味。意粉本身烟韧度啱啱好，酱汁份量都掌握得好好，捞匀之余亦唔会觉得过多或不足。.🌟广岛蚝拉面 $128一上台已经闻到个汤底好香，饮落去感觉蚝味都好重，一共有4只广岛蚝，每只
上次食隔离果间烧肉已经留意到呢间生蚝餐厅，门口已经show咗好几款特色生蚝而且入面仲有好多种蚝菜式，今次终于同男朋友过嚟试！
———————————————
🌟岩手广田湾生蚝 $118
生蚝好大只而且肉都好肥美，分几啖食都仲得，食落海水味比较重唔会感觉有腥味。
.
🌟北海道知内产生蚝 $88
咬落去爽口而且蚝味较重，仲会有少少鲜甜感。
.
🌟北海道仙凤趾生蚝 $88
呢种系味道相对奶香重同口感好creamy，放落口都有种牛奶张力嘅感觉，成个体验好特别。
.
🌟烧牛柳沙律 $158
牛柳嘅选材真系唔话得，牛肉本身其实比较生但系一个肉质真系冇得顶，完全冇筋之余肉身好滑，而且佢个熟成度其实掌握得好好，切开嘅每一面都好粉嫩。虽然佢有另外提供盐调味，但真系完全唔洗加就已经可以食到好浓嘅牛肉味。
.
🌟明太子忌廉意大利面 $128
平时食开嘅明太子系一粒粒嘅样，但今次呢度竟然仲系连同外层薄膜一齐提供，而且外层仲加有芝士烧过，放入口嘅味道辣辣地之余都充满芝士香味。意粉本身烟韧度啱啱好，酱汁份量都掌握得好好，捞匀之余亦唔会觉得过多或不足。
.
🌟广岛蚝拉面 $128
一上台已经闻到个汤底好香，饮落去感觉蚝味都好重，一共有4只广岛蚝，每只都好肥美。拉面本身都煮得好弹牙，连同各种配料捞埋味道更香浓。
.
🌟鹿儿岛柑橘梳打 $48
呢杯甜度唔高，柑橘味道好清新而且系果种好清甜嘅味道。
.
🌟大分酸橘梳打 $48
终于饮酸野嘅朋友仔一定唔可以错过，酸度极高饮落好正好爽。
.
🔸整体评价🔸
整个体验都好满意，餐厅员工好用心介绍每个蚝品种仲会提醒我地进食嘅先后次序，而且每款食物其实都好高质，仲有好多种菜式例如串烧、前菜等未有机会试，下次再嚟又可以试多几种新蚝🤭
张贴
