影片
更多
2024-01-23
46 浏览
今次呢间日本餐厅真系要大大力赞，其实佢入面好多菜式性价比都好高，好似普通寿司咁都有$1X/2件，我果日一眼见到呢个A5和牛餐2人餐($738)就已经被吸引住，主要系张图好吸引又丰富，叫完亦都冇令我失望，非常值得推荐比大家。———————————————🌟和牛他他沙律沙律入面有生和牛亦都有熟和牛粒，两种口味都好浓但又各有特色。生和牛可以直接睇到油花分布真系好靓，又多又细密。至于和牛粒就系烧得好香，放入口就已经有种牛油嘅感觉，配上旁边嘅蔬果食正好可以解解腻。🌟席前烧即场会有工作人员推车出嚟烧，成个过程打卡都好适合，睇住佢用火枪一路烧块和牛，油脂直接渗出真系流晒口水，连埋蛋浆再逐面去烧，分成两份后淋上烧汁，最后仲有一步画龙点睛之作就系加上香葱及炸蒜。炸蒜真心起咗一个好大作用，令成件作品更香口同时口感更丰富。🌟飞驒牛寿司真心放入口果下就真系以为自己返左日本，同名古屋果啲根本就系一样味，。寿司上面配有海胆，海胆味虽然浓但唔会抢味，第一下入口会海胆味先慢慢咬就会食到浓郁嘅和牛味。🌟火炙飞驒牛寿司火炙寿司经过火烧油脂味更浓烈，呢个同席前烧其实会有少少相似，佢面层一样加有香葱同炸蒜，放入口都一样系充满
今次呢间日本餐厅真系要大大力赞，其实佢入面好多菜式性价比都好高，好似普通寿司咁都有$1X/2件，我果日一眼见到呢个A5和牛餐2人餐($738)就已经被吸引住，主要系张图好吸引又丰富，叫完亦都冇令我失望，非常值得推荐比大家。
———————————————
🌟和牛他他沙律
沙律入面有生和牛亦都有熟和牛粒，两种口味都好浓但又各有特色。生和牛可以直接睇到油花分布真系好靓，又多又细密。至于和牛粒就系烧得好香，放入口就已经有种牛油嘅感觉，配上旁边嘅蔬果食正好可以解解腻。
🌟席前烧
即场会有工作人员推车出嚟烧，成个过程打卡都好适合，睇住佢用火枪一路烧块和牛，油脂直接渗出真系流晒口水，连埋蛋浆再逐面去烧，分成两份后淋上烧汁，最后仲有一步画龙点睛之作就系加上香葱及炸蒜。炸蒜真心起咗一个好大作用，令成件作品更香口同时口感更丰富。
🌟飞驒牛寿司
真心放入口果下就真系以为自己返左日本，同名古屋果啲根本就系一样味，。寿司上面配有海胆，海胆味虽然浓但唔会抢味，第一下入口会海胆味先慢慢咬就会食到浓郁嘅和牛味。
🌟火炙飞驒牛寿司
火炙寿司经过火烧油脂味更浓烈，呢个同席前烧其实会有少少相似，佢面层一样加有香葱同炸蒜，放入口都一样系充满油香同时口感丰富。
🌟寿喜烧连乌冬
寿喜烧锅本身真系超丰富，而且材料一样唔马虎，蔬菜全部都好翠绿好新鲜，冬菇大粒又肥美，豆腐都非常绵滑食得出每样材料都好用心。最紧要当然唔少得两大块和牛，一样系满满嘅雪花纹路，煮完后再捞埋蛋汁，真系入口即溶。另外佢仲配有个乌冬，乌冬都好烟韧连埋佢特调寿喜烧汁，已经好饱都一样唔放过。
🌟和牛釜饭
呢个饭上面就系铺满和牛再加有鸡蛋，等佢慢慢焗熟之后再捞匀，成个饭一打开就充满牛油香味，而且最重要一点系下面个锅仲可以整到非常靓嘅饭焦，一样系令到我饱到癫都忍唔住要食晒佢。
🌟三文鱼面豉汤
呢度好出色嘅地方就系连面豉汤都一样令人惊叹，汤味道感觉好清亦都带有鱼香，入面你仲除咗基本面豉汤材料外仲有三文鱼肉，而且咬落味道都浓仲好香。
🌟雪糕
雪糕佢一共有4种口味，我哋就直接选择咗比较少见嘅芝士同开心果味。开心果味相对会甜少少，味道都浓郁，个人比较钟意呢款。芝士味其实都一样浓，佢系偏奶香重果种芝士，会有少少觉得甜得黎又带少少咸，味道其实都好唔错。
🔸整体评价🔸
呢间餐厅真心系无得顶🥹呢个餐食完真系回味无穷，短期内应该都会带埋屋企人过嚟翻食。
张贴
