影片
更多
2025-01-31
0 浏览
今日嚟到铜锣湾一间中菜馆 @bameinn ，呢度专食一啲精致点心同中菜。但食物系穿越时空同中西合璧，非常独特。环境上入面唔系好传统𠮶种，但非常典雅。以深色为主调，中间摆放唔少仿古的古代文物，隔离有好多卡位，私隐度颇高，适合同朋友过嚟倾吓偈食吓点心。🥢🥢茶芥，开水 $20/head 🫖呢度有几款茶饮拣，小编就拣咗桂花乌龙，桂花味相当之香，茶味就偏清淡。值得一提系佢哋茶叶嘅餐牌、茶壶、茶杯以及系Wellcome Snack都非常之特别，好似会喺古代宫廷见到咁。【点心】⭐️【顶！太疯】小笼包 $78 🥟小笼包真系好癫，一咬出嚟啲汤汁系倾泻出嚟。除咗满满嘅汤汁，鲜肉嘅调味都唔错，皮薄馅靓。⭐️萝卜丝酥（大） $46 🥕外皮酥脆，出面嘅皮系一层一层咁。入面系满满嘅萝卜丝，湿润唔会干，好满足。鲜虾腐皮卷（大） $46 🍤外皮一样好脆，但呢个就系薄脆𠮶种。入面嘅馅好足料，大大只虾肉非常爽弹。麻辣牛肉肠粉（大） $46 🐮麻辣系列都系呢度另一个招牌特色，呢个肠粉嘅牛肉馅就加咗少少麻辣嘅调味，主要都系麻香，辣味唔算好突出。不过小编就略嫌肠粉嘅皮厚咗少少。⭐️历辣烧卖（特） $52 🌶️平时小编都好钟意食烧卖，
今日嚟到铜锣湾一间中菜馆 @bameinn ，呢度专食一啲精致点心同中菜。但食物系穿越时空同中西合璧，非常独特。环境上入面唔系好传统𠮶种，但非常典雅。以深色为主调，中间摆放唔少仿古的古代文物，隔离有好多卡位，私隐度颇高，适合同朋友过嚟倾吓偈食吓点心。🥢🥢
茶芥，开水 $20/head 🫖
呢度有几款茶饮拣，小编就拣咗桂花乌龙，桂花味相当之香，茶味就偏清淡。值得一提系佢哋茶叶嘅餐牌、茶壶、茶杯以及系Wellcome Snack都非常之特别，好似会喺古代宫廷见到咁。
【点心】
⭐️【顶！太疯】小笼包 $78 🥟
小笼包真系好癫，一咬出嚟啲汤汁系倾泻出嚟。除咗满满嘅汤汁，鲜肉嘅调味都唔错，皮薄馅靓。
⭐️萝卜丝酥（大） $46 🥕
外皮酥脆，出面嘅皮系一层一层咁。入面系满满嘅萝卜丝，湿润唔会干，好满足。
鲜虾腐皮卷（大） $46 🍤
外皮一样好脆，但呢个就系薄脆𠮶种。入面嘅馅好足料，大大只虾肉非常爽弹。
麻辣牛肉肠粉（大） $46 🐮
麻辣系列都系呢度另一个招牌特色，呢个肠粉嘅牛肉馅就加咗少少麻辣嘅调味，主要都系麻香，辣味唔算好突出。不过小编就略嫌肠粉嘅皮厚咗少少。
⭐️历辣烧卖（特） $52 🌶️
平时小编都好钟意食烧卖，而且一定会加辣油，麻辣会更加好。呢度就完全满足咗小编嘅口味，烧卖嘅麻辣无论麻香同辣味都比较突出，香辣惹味搭配猪肉鲜虾嘅香味，非常之夹。
⭐️手工虾饺（特） $52 🦐
同样皮薄馅靓，入面嘅虾肉爽甜弹牙。
【主食】
⭐️黄金蟹粉沾面 $248 🦀🦀
呢个由餐具到食物都非常高质。佢系用一个好似香炉咁嘅容器装住一大兜蟹粉，然后俾你倒落去面度捞匀嚟食。
蟹粉听店员讲系以固城湖直送之大闸蟹制作，系蟹中之冠，比阳澄湖更优质。佢嘅蟹味非常之浓郁鲜甜，有粒粒蟹膏。另外亦都有两只透明嘅爵装住醋同酒，小编就落咗酒，系会增加佢嘅香味同层次。不过注意呢个一定要趁热食，唔系佢嘅面饼就会干晒，不过店家都好贴心会比少少上汤我哋方便搅拌。
【甜品】
开心果千层酥 $58 😆
小编作为开心果，梗系要试吓呢度嘅开心果甜品，佢嘅酥皮系几香同酥脆，不过开心果味就唔太突出。
黑金刚 $48 🍍
佢入面系菠萝再加蛋黄嘅馅料，入面酸酸甜甜，有少少似食凤梨酥咁。
据说呢度有个Tiramisu嘅甜品亦都非常出名，不过小编实在食唔落，所以冇叫到。欢迎观众朋友试过，话俾我哋知味道如何。
【饮品】
⭐️焦糖咖啡（热） $48 ☕️
呢度嘅饮品系必点嘅，因为佢实在太有特色，就算你唔钟意饮为咗打卡都值得一叫。尤其是呢度作为茶楼竟然有咖啡饮，不过佢就系用一个类似缸嘅容器装住，非有种莫名其妙嘅可爱反差感。至于佢嘅咖啡就正正常常，未至于非常特别。
⭐️清炖雪梨茶 $68 🍐
呢度嘅雪梨茶系用一个酒壶同古代嘅杯「爵」装住，十足十古人饮酒嘅容器，当正自己系李白月下独酌，「花间一壶酒，独酌无相亲。」或者系当自己系亡国君主李煜咁，赐毒酒。味道上佢嘅雪梨味道酸酸甜甜，加上粒粒雪梨，滋补又解腻。
整体味道：8.3/10 （有⭐️系特别推荐🫶🏻)
抵食：7.9/10
环境：8.2/10
服务：8/10
八味客栈 (铜锣湾)
铜锣湾霎东街33号智选假日酒店1楼RHS号舖
#香港必食 #香港美食 #食评 #香港食评 #香港生活 #hkig #hkfood #hkfoodie #hkeat #mk #mkfood #铜锣湾 #铜锣湾美食 causewaybay #cwb #causewaybayfood #点心 #中菜 #粤菜 #复古 #古代 #宫廷 #dimsum #Chinesecuscine #chinesefood #ancient
张贴
