影片
更多
2024-09-03
2391 浏览
【铜锣湾——世一卡邦尼】今日嚟到铜锣湾L. Square试下一间小编bookmark咗好耐嘅手工意粉意大利餐厅 @involtini.concept 。呢间餐厅大概喺五年前小编睇完某个节目之后就一直有留意，据说大厨师承Bombana，加上佢多年获得米芝莲美食指南，所以真系试好耐。小编因为住大西北，所以一早试过佢屯门嘅姊妹店 @jep_by_involtini ，就系铜锣湾呢间未试，今日终于可以揾到同样系意粉爱好者嘅朋友一齐试～Dinner Set （餐包＋头盘＋主菜＋甜品）$448餐包餐包一共有两款，一款比较松软，重芝麻香味；另一款比较硬同脆。两款面包可以点油醋，无论橄榄油定系黑醋嘅味道都系比较重果香，非常开胃。味道：7.7/10头盘：Kabocha, Hokkaido Scallop, Lemongrass Yogurt 北海道带子煎得外脆内嫩，令人惊艳，配上香茅乳酪汁同车厘茄，微酸开胃。另外底部有块日本南瓜，焗得超香超腍超甜，平时唔多钟意南瓜嘅小编都争住食。味道：8/10传统卡邦尼手造意大利幼面其实呢几年香港都多咗好多传统嘅卡邦尼食，佢哋嘅用料都算正宗，例如都会用guanciale
今日嚟到铜锣湾L. Square试下一间小编bookmark咗好耐嘅手工意粉意大利餐厅 @involtini.concept 。呢间餐厅大概喺五年前小编睇完某个节目之后就一直有留意，据说大厨师承Bombana，加上佢多年获得米芝莲美食指南，所以真系试好耐。小编因为住大西北，所以一早试过佢屯门嘅姊妹店 @jep_by_involtini ，就系铜锣湾呢间未试，今日终于可以揾到同样系意粉爱好者嘅朋友一齐试～
Dinner Set （餐包＋头盘＋主菜＋甜品）$448
餐包
餐包一共有两款，一款比较松软，重芝麻香味；另一款比较硬同脆。两款面包可以点油醋，无论橄榄油定系黑醋嘅味道都系比较重果香，非常开胃。
味道：7.7/10
头盘：Kabocha, Hokkaido Scallop, Lemongrass Yogurt
北海道带子煎得外脆内嫩，令人惊艳，配上香茅乳酪汁同车厘茄，微酸开胃。另外底部有块日本南瓜，焗得超香超腍超甜，平时唔多钟意南瓜嘅小编都争住食。
味道：8/10
传统卡邦尼手造意大利幼面
其实呢几年香港都多咗好多传统嘅卡邦尼食，佢哋嘅用料都算正宗，例如都会用guanciale（猪面颊）/pancetta（意式烟肉）、巴马臣芝士同优质嘅蛋去整。唔落忌廉、唔会用美式烟肉。但小编食过咁多次，佢哋嘅煮法都系差咁啲，尤其是蛋汁收得唔够干，上到枱就水汪汪，好似食紧生嘅蛋液咁；又或者唔够芝士同黑椒，就算有芝士，但又冇用Pecorino ，始终carbonara 系罗马菜，Pecorino是必须的。呢间系小编觉得各方面都做出水准嘅一间。除咗用料正宗，煮法亦都系好传统。𠮶汁系真系酱汁，唔会太稀。充分利用手工意粉嘅淀粉质去令酱汁变得浓稠，同时亦都可以令酱汁挂晒喺意粉身上。佢嘅蛋汁又唔会过熟变炒蛋，仍然保持顺滑。芝士同埋蛋香都有齐，而呢间我觉得芝士嘅香味会再突出啲。Guanciale呢度切得比较细粒，小编会钟意有多啲口感，但油香佢系有嘅。手工意粉系用Tagliolini，色泽鲜黄，相信用料优质。圆形嘅横切面，粗度比一般spaghetti粗，当然又未去到pici𠮶种。呢个粗度小编都几钟意，口感更丰富，有al dente，又够挂汁。
味道：8.3/10
甜品：Yogurt Mousse Snow Mountai佢系一个用乳酪整成嘅慕丝雪山，口感有啲特别，轻身又有啲硬净，味道就酸酸甜甜，配埋果酱同生果好清爽解腻。
味道：7.7/10
另外叫咗个a la carte：海胆汁意大利饭配日本牡丹虾他他 $328
自己煮过意大利饭嘅都知道其实唔简单，有时生熟度同淀粉释放唔系咁易掌握得好。呢度意大利饭生熟度真系啱啱好，外软内硬，中间有白点，硬硬哋有口感，但又唔会觉得太生太硬。佢嘅淀粉释放都好好，酱汁creamy，亦非常浓味，啖啖海胆同蟹味，饭入面仲有啲蟹肉丝，至于牡丹虾他他提供口感同鲜味。成个饭配搭得好好~
味道：8/10
Straeberry&Peach Smoothie
Golden Side
沙冰意外地大杯，而且啖啖果味，士多啤梨味会比较重，桃味比较淡，仲食到果肉。
另一杯系椰青水，荔枝汁同菠萝整成嘅饮品，荔枝味会比较突出，然后慢慢先饮到菠萝嘅清甜，椰青味道唔算明显，整体味道比较甜腻。
味道：7.6/10
抵食：7.7/10
哗抵就称唔上，但以我所知佢用料都系高质嘅，都叫对得住个价。
环境：7.7/10
服务：8/10
#hkig #hkfoodie #hkfood #hkeat #香港美食 #食评 #香港食评 #香港生活 #小红书 #香港必食 #causewaybay #causewaybayfood #铜锣湾 #铜锣湾美食 #pasta #carbonara #italiancusine #italy #risotto #spaghetti #意粉 #意大利 #roma #罗马 #米芝莲 #米其林 #fineding #dinner #involtini #良心小店
张贴
