Vivere

营业中

休息中

铜锣湾嘅Sugar+其实有好多靓餐厅好嘢食，今日去咗一间叫「Vivere」嘅西餐厅食午市套餐。一去到呢间餐厅已经感受到佢嘅氛围，门口嘅好多镜面装修，落地玻璃下嘅开阳景观，餐厅入面有张好大嘅DJ枱同互动萤光幕，喺呢度食晚餐同饮嘢应该好有气氛，今日就先试吓佢哋嘅set lunch!🍊Appetisers 前菜可以拣是日餐汤或者厨师沙律，餐汤系鹰嘴豆汤，口感绵滑得嚟又有磨烂嘅豆蓉，蛋白质营养丰富又好味；厨师沙律有烟三文鱼、沙律菜同蕃茄仔，蔬菜用料新鲜，咬落去爽口有水份🍊Main主菜我哋拣咗香煎鲈鱼同蜜汁烧猪柳，鲈鱼嘅鱼肉口感嫩滑，鱼皮煎得香脆，配上酸甜开胃嘅柠檬橙汁，带出鲈鱼嘅鲜味。配菜有薯蓉同法边豆，薯蓉嘅口感绵滑细腻，带有浓郁嘅牛油香味；蜜汁烧猪柳烧得啱啱好，保持到猪柳嘅肉汁同肉质，配上类似中式嘅浓味叉烧酱，食落非常惹味。配菜有焗洋葱同薯角，洋葱焗完之后非常鲜甜，薯角亦都炸到好香脆🍊Drink 餐饮我哋拣咗lychee iced tea同mango iced tea，味道唔算太甜，带有微微嘅果香🍊Dessert 另外我哋加咗$20嗌是日甜品，系brownie and vanilla ic