반찬앤쿡 Banchan and Cook (屯門市廣場1期)

营业中

休息中

炖白肋骨蛋包饭🍖卖相吸引嘅炖白肋骨，肉质腍滑，加上酱汁特别惹味。蛋好香滑，用刀轻𠝹开，蛋浆滑啫啫，慢慢流出，非常吸引！海鲜煎葱饼🌮煎饼厚身又香脆，铺上香葱，馅料有八爪鱼、虾、青口等海鲜，口感好丰富。蜜糖无骨炸鸡 🍗炸鸡外皮金黄色，食落脆卜卜，鸡肉嫩滑，配上蜜糖酱油好香甜又好食🤤，仲有薯条同年糕，份量好多添😍！韩式杂莓牛角包窝夫 🥐好靓又美味嘅甜品～韩式杂莓牛角包窝夫，为晚餐划上完美句号。窝夫散发出香喷喷嘅牛油香味，口感酥脆，配搭杂莓🍓🫐同忌廉，感觉好fresh👍🏻！饮品：士多啤梨鲜奶咖啡咖啡味道香浓，带鲜奶香滑口感，士多啤梨点缀得好靓呀！士多啤梨红桑子梳打- 缤纷色彩，味道酸酸甜甜，味道清新。