影片
更多
2023-01-14
500 浏览
之前一直有friend 强烈推介，话好值得食。正所谓一不做二不休，咁难预约，就即场连book两日，一次早茶，另一次就系今晚，试试佢嘅晚市。大时大节食中餐就一定冇错，今次拣咗12月31号除夕，估唔到呢间小店依然满座，或者早咗个几月预订，位置非常好。一行八人非常开心。🍴勾魂叉（五件）虽然上次已经试过叉烧，但系今次都系要再叫，价钱唔平要$188，但系又5件厚切，望落都有睇头。加上陈年陈皮酱加炸米脆，仲有专人上枱后再烧！叉烧肥瘦适中，香口软糯，其实都唔错。不过茶市嘅第一叉，入口更加肥美软熟，下次再试我会宁愿食第一叉。🍴 一口金磗呢味金沙萝卜糕要再encore，性价比好高，金沙咸蛋黄好香，食落唔油腻，萝卜糕都好有诚意，有虾米瑶柱丝，食落非常香口。🍴烧鹅半只人数唔算好多，烧鹅简单预留半只，米芝莲烧鹅绝对有诚意，烧鹅都烧得几香，肉质非常多汁美味，烧鹅皮如果可以再脆身就值回票价。🍴姜咪蒜香龙仔蒸蟹饭价钱绝对唔平，不过只蟹大大只又新鲜，而且仲有糕，呢个价钱绝对抵食。饭底好香蒜蓉味，而且粒粒分明，蒸完之后仲非常干身，巾帼不让须眉，不过两者应该系分开烹调，饭就冇咩海鲜味。茶钱索价$28，不过普洱或是铁观音亦
大时大节食中餐就一定冇错，今次拣咗12月31号除夕，估唔到呢间小店依然满座，或者早咗个几月预订，位置非常好。一行八人非常开心。
🍴勾魂叉（五件）
虽然上次已经试过叉烧，但系今次都系要再叫，价钱唔平要$188，但系又5件厚切，望落都有睇头。加上陈年陈皮酱加炸米脆，仲有专人上枱后再烧！叉烧肥瘦适中，香口软糯，其实都唔错。
不过茶市嘅第一叉，入口更加肥美软熟，下次再试我会宁愿食第一叉。
🍴 一口金磗
呢味金沙萝卜糕要再encore，性价比好高，金沙咸蛋黄好香，食落唔油腻，萝卜糕都好有诚意，有虾米瑶柱丝，食落非常香口。
🍴烧鹅半只
人数唔算好多，烧鹅简单预留半只，米芝莲烧鹅绝对有诚意，烧鹅都烧得几香，肉质非常多汁美味，烧鹅皮如果可以再脆身就值回票价。
🍴姜咪蒜香龙仔蒸蟹饭
价钱绝对唔平，不过只蟹大大只又新鲜，而且仲有糕，呢个价钱绝对抵食。饭底好香蒜蓉味，而且粒粒分明，蒸完之后仲非常干身，巾帼不让须眉，不过两者应该系分开烹调，饭就冇咩海鲜味。
茶钱索价$28，不过普洱或是铁观音亦是靓茶，睇介绍话系专登搜攞，饮得出非常滑身亦都唔苦涩。
饭后有腐竹糖水做甜品，餐前亦都有合桃同苦瓜做小食， 除夕晚餐食到呢一餐都算系为呢一年画上完整嘅句号。
张贴
