Opa Mediterranean Bar and Bistro (已結業)

食亲西餐都系意粉/煎牛扒/猪鞍，食得多真系几闷，今次转食地中海菜～🌗地中海烤鸡凯撒沙律 $130先黎一个沙律垫下胃，罗马生菜新鲜清爽，水份充分沥干，沙律唔会有多余水份。唔问下Google大神真系唔知凯撒沙律系起源于墨西哥，不过点解无烤面包粒嘅🤔？🌖大头虾西班牙饭 $245一上枱店员就会系大头虾上淋上酒精，再大火一烧，要拍片影相📸️嘅就系呢几秒，记得要准备好！大头虾生熟度刚好，肉质弹牙，虾膏甘香；西班牙饭粒粒分别，有淡淡芝士味，混合虾膏一齐食又系另一风味～P.S. 平日happy hour 去到八点，包括啤酒🍻烈酒等，想餐前小酌小聚一番可以考虑下呢度。