川花烤魚

营业中

休息中

【食烤鱼要好气氛｜川花烤鱼】疫情过去大家复常后，每区嘅特色又渗返出嚟。今次去到荃湾，荃湾总系有份街头、夜市感觉。今次嚟到呢头食烤鱼，都一样咁好气氛！食咗咩🐟酸菜烤鲈鱼鱼都有几款选择，全条一条、鲩鱼鲈鱼；我最钟意肉滑少骨，所以鲈鱼系必选的。想食酸菜和鱼为主，配菜次要，所以就算两个人都拣全条鱼。厨师一早已将鱼分半，很方便，唔需要自己反鱼，而且两半都同样浸到汤，唔会个底过分滚而太实太烂！果然冇令我失望，炉鱼肉真系点滚都好滑，而且很鲜甜。酸菜食极都有，喜欢酸菜嘅我表示很感动！🐟宽粉皮宽粉皮索晒鱼汤，质感比较滑身，食入口几好食。惟要留意佢比较易断，夹断时小心汤汁回弹呀！🐟鸭血份量比想像中多，可以预早就放入锅中边滚边食，同酸菜汤底劲夹到。🐟鲜鱼卜唔系咁多地方有得食所以就试试。鱼卜鲜味十足，放汤时间耐咗都会越滚越细的，如果怕腥嘅朋友要谂谂。🐟莲藕片唔想食绿叶菜，又想食蔬菜类时，莲藕片真系我首选，菜酸菜鱼配莲藕片无得输，爽脆口感，清新又。🐟梨干苹果茶几好饮，自家煲嘅风味，梨干苹果滋润又清甜，一大枝两个人分享刚刚好。