影片
更多
2022-08-29
15 浏览
家住铜锣湾，揾食的确好方便，但有时未免太多人，未能食得轻松😅。相对铜锣湾，阿叔有时更钟意嚟天后揾食，皆因呢区嘅餐厅以小店为主，唔单止更有个性，有啲仲好高质添！😊 就好似今次阿叔同朋友嚟嘅呢间西餐厅，以位置嚟讲，如果你唔系住附近，的而且确需要专程嚟食。位于威非路道嘅佢其实好方便周围返工嘅人士嚟食晏同happy hour。蓝色嘅门面同埋霓虹灯嘅招牌非常易认，不过店舖唔算大，目测唔过20个坐位，想嚟食最好就预约定喇！ 🥐招牌龙虾汤流心牛角包 ($98)，受到大家网上嘅分享，吸引咗阿叔专程嚟食呢款咁特别嘅牛角包，作为呢度嘅招牌菜，绝非浪得虚名。牛角包即叫即焗🔥，大家记得尽快食，酥脆嘅包入边包著热辣辣嘅香浓龙虾汤🦞，只要一刀切开，龙虾汤就会汹涌澎拜咁流出嚟，食嘅时候有啲似饮酥皮汤嘅感觉，非常吸引。🤤 🍝招牌龙虾汁蟹肉伊面配脆干葱 ($198)，龙虾伊面嘅西式版，伊面沾满浓郁嘅龙虾汁，加上满满嘅蟹肉🦀同干葱，味道够晒惹味，多汁怪嘅阿叔表示如果再多啲龙虾汁就更正了！🤭 🍟Double 炸鱼薯条 ($128)，炸鱼一大块，有著金黄色嘅外表，阿叔钟意佢炸粉够薄，而且炸得够香脆，加上薯条嘅份量超级多，绝对
就好似今次阿叔同朋友嚟嘅呢间西餐厅，以位置嚟讲，如果你唔系住附近，的而且确需要专程嚟食。位于威非路道嘅佢其实好方便周围返工嘅人士嚟食晏同happy hour。蓝色嘅门面同埋霓虹灯嘅招牌非常易认，不过店舖唔算大，目测唔过20个坐位，想嚟食最好就预约定喇！
🥐招牌龙虾汤流心牛角包 ($98)，受到大家网上嘅分享，吸引咗阿叔专程嚟食呢款咁特别嘅牛角包，作为呢度嘅招牌菜，绝非浪得虚名。牛角包即叫即焗🔥，大家记得尽快食，酥脆嘅包入边包著热辣辣嘅香浓龙虾汤🦞，只要一刀切开，龙虾汤就会汹涌澎拜咁流出嚟，食嘅时候有啲似饮酥皮汤嘅感觉，非常吸引。🤤
🍝招牌龙虾汁蟹肉伊面配脆干葱 ($198)，龙虾伊面嘅西式版，伊面沾满浓郁嘅龙虾汁，加上满满嘅蟹肉🦀同干葱，味道够晒惹味，多汁怪嘅阿叔表示如果再多啲龙虾汁就更正了！🤭
🍟Double 炸鱼薯条 ($128)，炸鱼一大块，有著金黄色嘅外表，阿叔钟意佢炸粉够薄，而且炸得够香脆，加上薯条嘅份量超级多，绝对可以当主菜嚟食。
张贴
