影片
更多
2017-04-07
3116 浏览
小朋友大得很快,未有小朋友既我唔会发觉 但系当我既小PQ 出左世后,睇住佢大睇住佢曳 再见到身边既朋友一个一个有左BB 再生左BB 就发觉原来时间系走得好快.... 时间唔等人,所以朋友系要见架 生左小PQ 之后已经好耐冇点同呢位好友相聚 今次佢话带我同阿B 食好野一定去试下啦 今次我地黎到差唔多到炮台山既木星街 由于我唔太熟路,所以我就由铜锣湾搭丁丁过黎 好方便系木星街站一落左车,转入落内街行到差唔多尽头就见到 呢间好法国风情既 A la maison XXL Seafood & Grill 店内装修得好有法国小岛既感觉, 而设计上亦唔会话岩d二人世界既感觉 反而好岩一大班朋友仲有可以带BB 咁既感觉 因为佢地竟然有Baby Sit , 而家去亲边都要揾Baby Sit 先安落 唔讲咁多废话,我一入到去餐厅已经见到附近不少客人有点上 以下几款既食品,一场黎到唔系唔试架吗 首先要出场就系呢个 Egg Benedict with Salmon 整Benedict既唯一问题就系要整到只蛋半生熟仲要有D流心咁就最正 唔知大家有冇睇过"我要做厨神"(好似咁叫)既节目 我好记得有日我仔训左,
但系当我既小PQ 出左世后,睇住佢大睇住佢曳
再见到身边既朋友一个一个有左BB 再生左BB
就发觉原来时间系走得好快....
时间唔等人,所以朋友系要见架
生左小PQ 之后已经好耐冇点同呢位好友相聚
今次佢话带我同阿B 食好野一定去试下啦
今次我地黎到差唔多到炮台山既木星街
由于我唔太熟路,所以我就由铜锣湾搭丁丁过黎
好方便系木星街站一落左车,转入落内街行到差唔多尽头就见到
呢间好法国风情既
A la maison XXL Seafood & Grill
店内装修得好有法国小岛既感觉,而设计上亦唔会话岩d二人世界既感觉
反而好岩一大班朋友仲有可以带BB 咁既感觉
因为佢地竟然有Baby Sit , 而家去亲边都要揾Baby Sit 先安落
唔讲咁多废话,我一入到去餐厅已经见到附近不少客人有点上
以下几款既食品,一场黎到唔系唔试架吗
首先要出场就系呢个
Egg Benedict with Salmon
整Benedict既唯一问题就系要整到只蛋半生熟仲要有D流心咁就最正
唔知大家有冇睇过"我要做厨神"(好似咁叫)既节目
我好记得有日我仔训左,我可以好安静咁食个杯面
就系睇紧复活战中,要考参加者点煮Benedict
看似简单不过既食品,但系要做得完美,成功绝对是功力之作
唔系话你想整就有机会做得好
今次呢个Egg Benedict with Salmon
就做得不错,先有半生熟既蛋.切开有慢慢流出既蛋汁
加上有烟三文鱼加上菠菜蓉
另外仲有烘好左既面包,绝对可以一个人食晒一碟呀!!
始于有D 生既食物未必岩小朋友,所以我地亦点左一份儿童餐比阿女系坐底冇耐,店员已经比左一份小玩意比阿女玩
原来个张餐纸摇身一变会变左一个可以画线线,油颜色既地方
仲有颜色准备,做阿妈既唔洗担心一定要带定原子笔系身
(以前我唔明点解做妈妈既一定有原子笔系身,而家我明啦)
一定要讲下今次呢个Carbonara 儿童套餐 $68/Set套餐包有一个主菜/饮品/甜品
今次阿女就拣左呢个卡邦尼意粉,唔好谂住小朋友餐一定好细份
其实睇落同我地大人餐都差唔几,唔系阿仔食唔到
我都想叫一份比佢,不过我比左阿仔食佢地既生果同粟米粒
再来我们既主菜,有佢炭烧西冷牛扒 伴洋蒽汁 $138/位
虽然看似好细块既牛扒,但系睇牛扒上既网纹就知唔系得吹水唔抹咀啦
我地点左五成熟就系惊平时叫五成黎左七成什至系十成熟
但系今次既五成熟可以做到,而且做到系表面烧得够晒炭烧味道
而入面亦唔会烧到干晒水咁样,最喜欢看到它的血红色位置
好像有一点变态,但是喜欢吃牛的,就是有一份这样的执著
不得不讲佢地既配菜薯条亦都好好食
之前我好麻麻地d 粗薯条觉得佢地又淋又唔好食
但系当食过呢d 新鲜炸起外脆内热既薯条就绝对会爱上的
最后要出场既当然有呢个压轴既食品,亦系朋友黎到话最想试既食品就系呢个全日早餐认真够晒豪,因为早餐食龙虾
有冇试过?未试过而家比你睇下啦
ALL DAY BREAKFAST DELUXE $188
今次呢份全日早餐入面除左主打系有龙虾之外,
仲有烟三文鱼,法国面包,芝士肠仔,仲有话系黑松露炒蛋
但系见唔到有黑松露~
不过当中佢地既蛋系炒得几好,龙虾亦唔系大家怕怕既小龙虾款式
真系啖啖肉好好味,仲有少少烟肉同薯角
食埋呢个就觉得好完满啦,虽然佢就贵左DD 但系我又觉得几值呀!
题外话/补充资料：
要留意佢地会有落场时间,想食就想d 过黎啦~
好似3点就落场架啦
(以上食记乃用户个人意见 , 并不代表OpenRice之观点。)
张贴
