A la maison XXL Seafood & Grill (已結業)

食物水準普普通通啦雖然無影相，叫左5樣野食1 呑拿魚沙律🥗 正正常常2 白酒煮蜆 味道可以，但蜆太細3 辣肉腸炒蝦 似用橄欖油煮熟，多過炒4 德國豬手 全晚最正幾好味5 蜆肉扁意粉 我自己無食，無評語自携紅白酒各一值得一贊開瓶費只係收我一支👍🏿👍🏿👍🏿

今日亞sir請食飯，我哋一行十五人去左哩一間餐廳食lunch，聽講哩間餐廳係某某明星開嘅，而且食評亦都幾好，所以我哋就去咗嗰度team lunch。由於有啲同事唔能夠準時離開公司食飯，所以我地有7個人一早去攞位先。因為我哋得一個鐘食飯，所以我哋7個一去到就叫咗7個肉眼扒餐($158),4個要五成熟，3個要七成熟。佢哋個包真係好好味😋，外脆內軟，大家都食唔停口。餐湯係粟米湯，我就覺得好有口感，但唔知點解會有咖喱味！有啲同事覺得好怪所以冇飲。先嚟4個七成熟嘅肉眼扒😲😲點解七成熟嘅牛扒會上先，而唔係五成熟嘅牛扒上先呢？真係好奇怪🤨🤨anyway, 七成熟嘅牛扒就好似well done咁, 一啲紅色都冇。好戲在後頭,我哋叫咗嘅五成熟肉眼扒，竟然一切....係切唔到，硬過我條命，加上把刀係普通餐刀，幾經辛苦先至切到件扒。我哋將件扒切到好細粒先至擺得落口，但係每一件都咬到牙胶軟。後尾實在忍唔住，我就同個侍應講，我哋叫嘅五成熟牛扒全部都over cook,麻煩佢同廚房講聲兼且幫我地換過晒啲有齒輪嘅刀😪😪😪其實我好想叫佢換過晒啲扒俾我哋，因為作為消費者，仲要成＄158一個午餐，你竟然比啲咁樣質素嘅野食

幫朋友慶祝生日，我第一時間諗到呢度，食物份量又多，座位寬敞，呢排用app訂位仲有折添！每次黎必食生蠔，雖然唔算大隻，但好鮮，食到濃濃嘅海水味😋之前未試過叫青口，今次試下個古法砂鍋藍青口，個汁好惹味！係香茅忌廉汁，仲有兩塊烘過卜卜脆嘅法包蘸汁來食，我嫌d包唔夠，俾多兩三塊我地應該會清哂d醬汁😂青口細細隻，肉嫩，好味！強力推薦！蜜糖芥末咸豬手配酸菜又係每次黎到必食嘅，皮脆肉滑，蘸埋個甜甜地嘅蜜糖芥末醬，好夾！次次食都好滿意！烤雞香草意大利飯。又係未試過，又係另一驚喜，第一眼見到以為d雞肉會好「鞋」，平時我只係食雞脾肉，試左一啖，點解會咁嫩！？一d都唔「鞋」，好香好入味，但飯亦好creamy 。卡邦尼意粉，用上扁意粉，芝士味好香👍🏻另外一提，侍應真係好nice，又好勤斟水，值得一讚👍🏻

呢到地方都好大, 坐凡好舒服又唔使同人迫住迫住咁坐, 由於早食飯關係, 可以靜靜地咁享受~好似包場咁!  一坐底就叫咗支St. Peter Fruit Beer Grapefruit, 但飲落去冇柚子味既?! 好淡淡既麥味~頭盤叫咗1打生蠔冇得俾你多揀~是日得一款生蠔~見佢即ORDER即開, 好新鮮又爽口~有好濃既海水味~叫咗個牛油蒜香白酒煮蜆(Regular $198)好香酒味~但係蜆有沙同埋太細隻啦~如果大隻番少少仲好~佢D菜式大部係有分Regular & XXL如果多人可以叫XXL~幾貼心喎!  沙律就叩咗個尼高斯沙律(Regular $148)有燒金槍魚肉質鮮甜, 薯仔, 蛋, 蕃茄同沙律菜味道好Fresh~可以清清個胃~ 試埋佢個地中海蟹肉餅配是拉差蛋黃醬($168)熱辣辣, 食落去都好多蟹肉好味道呀!!另一款係焗德國鹹豬手配蜜糖芥末及酸菜($268)，豬手焗到個面脆卜卜咁，仲幫你切好晒唔使自己落手落腳去切~豬手肉肉質嫩滑唔會太肥太乾, 咬落去好soft咁配埋個醬真係一絕, 佢個醬真係好好味, 同豬手好夾, 但佢個酸菜就麻麻地啦~墨魚仔墨汁意大利飯($188), 有原隻墨魚仔

睇同事Facebook post相，見到個seafood platter勁吸引，所以班friend話要慶祝聖誕，我即刻建議黎試下。我同朋友都好鍾意食海鮮，一黎就order個signature tasting platter，龍蝦肉實淨、幾爽口；麵包蟹膏超正，鮮甜；仲有蜆、蝦、翡翠螺同生蠔，生蠔好新鮮，每人食左隻，唔多夠喉，所以再叫多半打！前菜點左個凱撒沙律，不愧係XXL，沙律大份到Ｏ咀，食埋個沙律都半飽。另外仲點左客焗德國鹹豬手，皮都脆脆地，唔硬，肉味濃，連酸菜我都好鍾意，酸度岩岩好！魚湯咸左少少，反而另上嘅魚肉唔會太老，幾好食仲叫左飯同墨魚仔，味道唔錯，不過墨魚仔「淋」左Ｄ，口感怪怪地......我地叫侍應推介支果味濃嘅紅酒，呢枝幾易入口，唔錯！下次同朋友gathering我都會推介呢度。

家人生日試一下少去的餐廳～～～呢間前身係法國菜館時食過幾抵食，每人$400左右頭盤到甜品，好味滿足印象好～～變咗身之後一直未試，今次去到感覺唔同哂，店內光猛，大部分大枱，氣氛cheerful,唔錯間餐廳叫XXL,諗住啲dish好大碟，點知.....的確有好多大碟的size, 但都要成千蚊一款叫一碟之後應該叫唔到咩其他嘢⋯⋯而且雖然話都叫做係牛扒呀，海鮮呀，睇落做法都會味道OK,但其實又唔係好特別的菜式，感覺有啲貴我哋4個人，叫咗啲唔係咁大碟的菜式叫做test吓先：Plater 好別緻，全部都炸得好味，不過就係份量少--->即係貴囉其實真係冇嘢好講....大部份食嘅都好味.....但好多有水準的連鎖西餐廳都做到，但呢度食比較貴.......以上每碟賣相好靚，但全部都$400-500一碟.......🤔每人飲埋杯啤酒，埋單$2xxx🤔 我只可以講唔係family dinner的地方，有purpose要慶祝一下大洗一筆的話都幾開心掛但飲多幾杯酒又唔止呢個價啦總結呢餐雖然好味，但食咗成$500個人都唔係好飽，都係等有老細請食飯先點佢帶我食啦

完全同其他食評講既唔一樣,是否有廣告贊助?第一次去,跟餐牌,叫左前菜2樣,+主菜paella,1.)竟然主菜黎先??黎到都唔緊要,完全係茄膏撈飯咁滯,淨係食到茄膏味,其他咩都無,得個酸字,極到失望!2.)前菜竟然係我地食晒主菜後,隔左成半個鐘先黎?咁都唔叫前菜啦?重點!!佢無無咩客人架,咁係咪唔想做客?3.)最後,個前菜黎到個蒜片蝦,完全係勁多油,(仲有一陣OVERCOOK既油味,想點呀?間餐廳唔係專做海鮮?但所以海鮮完全唔掂,唔會再去,食左7XX都唔知食左D咩!

一班人慶祝生日，梗要找靚地方、靚食物，咁先開心，XXL完全滿足要求，再加非常貼心服務，真的比個Like哩度的員工。食物樣樣大大份，我地11人食，個個都食到，不似其他餐廳細份到每人只試一口，勁滿足！由沙律、海鮮、牛扒、豬手、意粉到甜品，非常新鮮美味，員工不停換碟、將大件的牛扒豬手切好一件件方便大家share ，奉上生日蛋糕時仲播生日歌，壽生女勁開心渡過一個難忘的生日！

今日同老公週五happy friday食飯，食佢出名嘅海鮮同埋嗰個牛扒-rib 32oz，揀咗medium rare不過好難食,好韌，嘴都攰埋。個海鮮拼盤都算可以，種類多，都算新鮮。 叫咗支Riesling 白酒 中規中矩但坦白說果個唔知ribs 定牛扒真係好韌囉，麻麻哋好食。 老公話下次畀多次機會佢試下佢嘅意粉 可能會唔錯埋單一千七百幾 算係 中高消費，覺得都唔係好抵食，但係志在週五輕鬆relax下， 職員服務態度唔錯，個外籍人士都健談同埋有笑容。

朋友知道我是肉食動物，她說找到家吃 XXL Size 的餐廳，所以我們幾個女生就去挑戰一下。當天餐廳有優惠，兩周年 生蠔套餐 十二隻法國生蠔配白酒不過我就不吃生蠔的，其他朋友分享了。朋友就很滿意，我吃別的吧炭烤牛肋肉份量十足，牛肉大約是五成熟，是我自己喜歡的熟度，粉紅色的牛肉，嫩滑得很。肉汁保留在牛肉內，淡淡的黑椒跟海鹽味，已經很好吃，如覺得不夠味可以點上燒汁。法式龍蝦包整晚我最喜歡的一道，龍蝦拆肉，麵包烤香脆，味道剛剛好，帶出龍蝦的鮮味，兩者配合很好。我個人就超喜歡吃。甜品方面就比較遜色，沒有太特別或驚喜，但畢竟不是他們的主打。我應該會為龍蝦包再來，因為味道很好，太幸福的感覺。

起初我也以為法國菜全都是細細碟，店名有XXL都是說笑吧！可惜⋯⋯朋友，我太年輕了！ 在追月當天，我就同朋友品嚐了高質美味同XXL Size的法國菜了！ 先來2週年特價 － 1打法國生蠔加白酒都只係＄198, 生蠔隻隻都新鮮美味，＄198呢個價錢，不吃是對不住自己的。 法式香草牛油藍青口 來一點破格，不點白酒藍青口，來一個香草牛油。藍青口吸收了香草牛油的香味而顯得鮮甜，藍青口夠大隻，肉厚肥美 卡邦妮意粉 忌廉味比芝士味重，但我喜歡有蛋香。平時我是不太吃卡邦妮意粉的，但今次也忍不住多吃兩口。 法式龍蝦飽 這個真是不得不提，成隻龍蝦拆肉，加入牛油香草，麵飽也有牛油香，十分香脆，是可以吃不停的。 炭烤牛肋肉 呢條連骨的牛肋肉，大廚已經將牛肋肉切成一片片，可以看到肉質的粉嫩，沒有燒得過乾，還是很有肉汁的。加上牛味一上枱時已聞到陣陣香濃，入口更是濃郁 飲品我點了Tropical Fizz 清清涼涼，味道不錯。

這晚約了三位美女到了天后吃晚飯，因為聽說這間餐廳的海鮮及肉類都非常不錯，作為食肉獸，沒有不來的理由。這晚餐廳剛好在推出優惠，破天荒推出生蠔，焗蠔及紅白酒組合，一個價錢，三種享受，而且更有三款套餐可供客人自由選擇，分別是12隻新鮮生蠔配白酒或紅酒一杯；六隻新鮮生蠔＋六隻滋味焗蠔配白酒或紅酒一杯；12隻滋味焗蠔配白酒或紅酒一杯，全部都只需要＄198 ,非常超值。12隻生蠔肥美飽滿，蠔味鮮甜濃郁，質感綿滑，非常豐潤，雖然價錢很便宜，不過生蠔的質素卻是非常新鮮，大家不用怕。炭烤牛肋肉食肉獸要興奮了，牛肋肉一上枱香氣滿溢，大廚細心為我們把牛肋肉切成一片片，份量超多，肋肉內裡呈嫩嫩的粉紅色，沒有燒至過乾，而且牛味香濃，肉質嫩滑多汁，實在不錯。Carbonara 意粉做到Al dente，不過忌廉味較芝士味重，芝士味濃返啲會更好，另外，煙肉炒得好香，亦有蛋香。整體而言，味道唔錯，可以一試！法式香草牛油藍青口青口隻隻都大大隻，夠晒厚肉，味道鮮甜，而且香草牛油汁夠濃郁，一上枱，我們四個女人已經心心眼了。Mocktail—Sunset這杯mocktail調得很不錯，有士多啤梨、熱情果、青檸、芒果等，充滿果

好鍾意呢條咁寧靜嘅小街，放下狗散下步，睇住XXL佢裝修，終於等到有機會同我最愛的家人一齊食啦！一進入店內就感受到南法嘅風情，漁港小船，新鮮海鮮空間感大的休閑小店感覺舒服。慢活嘅感覺湧出來，所以我們都想要一點酒精我們三點了 MOJITO 3 WAYSMAngo, Strawberry & Mixed wild fruit成個系列都好清新，帶鮮果的酸甜味。Rum 酒味道也不弱，再加埋新鮮嘅薄荷葉成個人都覺得好 refresh 其他兩位女士都說 on diet, 一碟 regular 份量的沙律已教他們樂上半天尼哥斯沙律有美味新鮮的 Seared Tuna，七彩繽紛添特色。主菜就係我期待左好耐嘅 炭燒美國斧頭扒，雖然價錢要 1288，但就有 1 kg 光澤誘人嘅優質牛肉，我哋三個人share 都差啲食唔晒賣相已經可以呃晒 like，一上枱已經香氣撲鼻，外表看起來飽滿豐盈 ，叫我呢個牛魔王又點忍得口呢切開一片嘅份量已經差唔多等於出面一塊牛小排。哈哈哈真係巨人食嘅size。我個人喜好Medium, 廚師果然做得到外面 grill 得焦香，肉色粉紅，入口柔軟嫩滑牛肉味濃郁而且濕潤可口，到而家仍然很

Came here for a group dinner and didn’t tinker what to expect. Turns out the food variety was great, particularly the seafood platter. Although he restaurant claims to be french, it really is a mixture of everything western. Although the restaurant wasn’t busy, there weren’t enough wine glasses to go around which is a bit odd. All in all, great variety and service was good.

平日鍾意食嘢嘅我都鐘意食下不同國家料理，不過都要有時間才可以去品嚐一下，係食之前都會做吓功課，睇吓有冇啱自己喜歡口味，早排又約咗好友去咗食法國料理，又睇吓有冇驚喜，餐廳位於天后而菜單都分咗不同口味菜式，有海鮮，肉類，小食同甜品等選擇當然唔少得美酒供應先點咗Chili mussel食住先，而且辣度分為5種級數，我地要咗中間級別驚辣得滯食唔到，配埋熱辣辣香脆薯條，青口係來自墨西哥，未食已索到香辣味道，辣椒籽混埋其他材料一齊烹調湯汁亦呈現鮮紅色，而青口已吸收咗湯汁入口肉質鮮甜，其實開頭未食仲以為好辣點知越食越惹味，連D湯汁都唔嘥用薯條點來食到主菜梗係食個海鮮拼盤Royal Deluxe Platter(Regular )，分別有生蠔，花蟹，龍蝦，虎蝦同大蝦，配上4款不同醬汁享用，先來生蠔入口肥美鮮甜，花蟹肉質鮮嫩蟹膏香甜，龍蝦爽口又多肉夠份量，而大蝦一樣咁鮮甜，沾上醬汁食落更滋味，一句講晒夠晒鮮另一款係焗德國鹹豬手配酸菜，鹹豬手焗得面層香脆金黃，先食豬手皮入口卜卜脆又夠香，而豬手肉肉質嫩滑加上脂肪肥美，酸菜食落酸酸甜甜夠開胃，記得呢個趁熱食咁先好味不知不覺又品嚐一頓法國料理